早幾日我百佳網上訂左一千鬆啲貨揀左今日12:00-17:00時段送，咁我見夜晚6點幾都未送就打去CS問下啦，又咁好彩又有CS聽電話，（點解我話好彩呢，因為再夜啲9點幾打幾次上去係冇人聽架
）
CS就回覆我因為多單所以仲送緊之前嗰啲，我就講返張單有啲冰鮮食物同埋豆漿可能會變壞喇。佢就話壞左可以之後退錢嘅，司機送緊架啦，司機一陣會打俾你記得聽電話呀咁樣。我有啲奇怪問返佢「如果佢（司機）唔打俾我米盞搞？又要等？其實係米真係送貨架？」CS覆「佢3、4個字之後會打俾你架啦」當然，司機何止3、4個字，係3、4個鐘之後都冇打俾我啦
第一次幫襯百佳網店搞到咁
早知訂返HKTVmall ，人地遲都遲過但起碼未試過唔見左人⋯肯定肯定講我唔係打手黎
對百佳網店好失望呀，咁大間公司都搞到咁，果然係同pccw 同一系列，一樣會約左時間就玩失蹤
剛剛打CS電話打到10點都冇人聽，而家仲未諗到點做，啲急凍食物就算之後補送仲要唔要得架？最怕係解凍完又雪返之後又解凍送過咁，特別係豆漿，對佢哋冇晒信心…哎，好浪費時間好困擾呀，有冇人可以指點下？有冇人試過又係咁，之後可以退錢呀？
送貨真係訂凍嘢有啲驚佢
百佳咁大間野應該都會退返錢比你
不過咁甩漏
仲浪費時間
係啦⋯通常外表睇落冇乜野，食落就可能好危險
無試過，不過睇過佢個App評分同負評多到好誇張。
利申買開HKTVMall
我都有網購習慣，我通常少買凍肉，就係怕你上面的情況，最多都係買唔使雪的飲品。
我會揀退款唔要，到貨又唔會即刻煮嚟食，到煮先發現變左就太遲。
最近我喺hktv mall懷疑買到假化妝品，包裝，生產編號同字體都唔同，依家仲追究緊，未退款，價錢同專櫃差唔多，但我貪方便，買夠額可以送貨，奉勸大家護膚品/化妝品都係去返專櫃買，唔好以為大的網上平台就唔會中招。
運作方式唔同呀。HKTVMall 只係個平台，角色好似中介咁，你其實係同個商店買。百佳就唔同，你係直接同百佳買，百佳野有唔對路係好過份。
HKTV每星期都買凍肉/海鮮，買左幾年唔覺得有咩嘢，主要係好多特別食材出面好難搵到。
化妝品偶爾買過D，要留意係咩店賣。品牌旗艦店（例如Innisfree、Etude）都無問題，非名牌獨立小店（例如黃店得記良品）都係自己開嘅，但係其他好多寫「平行進口」，即係水貨，基本上相當於出面莎莎卓悅，乃至藥房，呢類要警惕。
仲有就係睇comments同評分。
我試訂過一次都怕，買左成千蚊野，送到黎奇怪得咁少，點知好多都冇貨，又唔通知！
今次我喺三間商戶買三款化妝品，就係其中一間出事，呢間仲要有過萬件商品上架。（如果想知就pm我）
下次再買都會揀返品牌商戶自己上架，就不會中伏。
希望你得到妥善解決啦（之後可以順便留返個comment提醒其他人留意）
水貨，我都接受，起碼係正品。
但佢應該係假冒，真貨有的防偽特徵，佢係無。
有留comment
但商戶已把該商品改為缺貨。
正常唔㩒入去唔會睇到嗰個comment
所以我留言係希望大家警惕一下唔好信曬人地幫你把關。 亦多謝你回覆，錢我預左豁出去，但唔想有人再受害。
唔好咁灰住，等埋結果先。（我平時買開有comments一定睇，尤其有圖片果D，未必話唔信，但係有時未必適合，睇下comments可以多方面了解）
偏離太遠，唔傾住，等睇樓主後續發展
我用過店取易，結果張單都失蹤左 
入去鋪頭睇過無貨，最後退錢
我訂過兩次，無次準時
有次張單遲咗4日都無出現，CS又難打得通，打親去都話出咗車又話叫司機call我，之後第5日都係得個吉！最終要refund
同埋佢哋啲CS無咩禮貌，同HKTVmall啲CS爭好遠 
我用過20次以上，主要買奶粉同埋尿片多，又冇試過咁嘅情況。
係成日喺送貨日果朝先收到Email 話啲贈品冇貨，之後又要搵CS叫佢安排補送。
因為佢個Apps真係好差，尤其是當你買完嘢， Load番入去購物車想加減嘅話，佢就會攪好耐。
我自己三四個月左右，就會幫屋企入定啲飲品，呢個時候就會訂百佳，因為真係平啲，但係so far都冇乜如果呢啲問題，最多都係同樓上講嘅一樣，早一日前先出email通知你邊啲缺貨。
x3
百佳有d 野真係平過hktvmall
但係會有果朝先通知缺貨既風險
可能我住果度算係大型屋苑多人訂野
用左幾次都正常送貨有交帶
好慘
咁宜家收到貨未?
