有英國能買到咩中國食料

海外生活 移居英國
1

離赴英日期越來越近了, 有好多嘢想喺度請教已住在英國的朋友.

  1. 喺英國能買到：淮山、杞子、元肉、紅棗、薏米、紅豆、綠豆、眉豆、黑豆、黃豆、花豆、生腰果、生核桃肉、生花生, 以及其它比較大路的中藥材如太子參和麥冬嗎?
  2. 隨身行李寄艙可以有液體嗎? 例如調味料
  3. 英國有生鐵鍋賣嗎? 老派人習慣了用生鐵鍋, 可以唔使補鐵喎.
  4. 英國有綠葉菜嗎? 如菜心之類的.
    謝謝朋友答覆！
2

我係香港，可以答你1、3，有
係YouTube 有好多移英分享都話有得買
不過應該要係中式超市先有

3

紅豆花生有，但好貴，唔會想買

淮山、杞子、元肉、紅棗、薏米暫時唔見有得買

其實好多煲湯料都冇得買，就算有都天價，去本地超市買返本地食材煲算數

2 睇錯，寄倉ok，隨身唔得

3 好似有，但一定唔係中式，而且中式鑊唔岩呢度d爐頭

4 中超有，天價

4

[quote=“Tai_Man_Chan, post:1, topic:65566”]

  1. 喺英國能買到：淮山、杞子、元肉、紅棗、薏米、紅豆、綠豆、眉豆、黑豆、黃豆、花豆、生腰果、生核桃肉、生花生, 以及其它比較大路的中藥材如太子參和麥冬嗎?

一般食材中超都有得賣，但參、瑤柱、蠔豉及肉類中藥材就真係近乎冇。中藥材就算有得賣，都肯定同香港既冇得比，差好多皮，同埋貴（價錢可以同香港比差5 - 10 倍）

  1. 隨身行李寄艙可以有液體嗎? 例如調味料

寄倉可以，但你自己都要小心包好，爛左就大鑊）

  1. 英國有生鐵鍋賣嗎? 老派人習慣了用生鐵鍋, 可以唔使補鐵喎.

見過中超有得賣有，但肯定唔靚，又貴。仲要你要睇下你住嗰度係咪電爐具埋個爐頭係咪平底喎。如果係，基本上你係用唔到（生鐵鑊一般圓底，放唔到平底爐頭）

  1. 英國有綠葉菜嗎? 如菜心之類的.
    謝謝朋友答覆！

英超主要賣西蘭花、椰菜花、各種椰菜、菠菜、各種生菜、紹菜、小唐菜。如果你堅持要食菜心、白菜、通菜、芥蘭之類既菜，只能去中超買，同埋肯定冇香港既種，仲要貴香港3 - 5 倍左右。一係自己種

5
  1. 中超貴價菜芯, 而且個樣同hk 好似有d 唔同, 所以無試過… 如要綠, 我食西蘭花,椰菜 only :smiling_face_with_tear:
1個讚
6

照大家朋友所講, 隨身行李如果帶多少這些係咪可以呢? 仲有, 帶即食麵又可唔可以呢? 起碼可以應付到夜晚到埗同第日未買到食物時的兩餐. 呢啲中藥材即食麵放手提行李還是於寄艙呢? 朋友們有經驗嗎?

7

中超都有啲

8

香港有用開想繼續用可以帶埋來

要注意住果間屋個爐頭可唔可以用生鐵鑊好重要

9

帶定幾個杯面，一落機返到酒店即刻食完即刻休息，攰到乜都唔想做住

1個讚
10

其實有個爐頭架可以浪住隻鑊用嘅，不過火喉冇咁好，之後唔會想用

11

good idea :+1:t2:

12

其實來到英國，冇可能expect買返同香港一樣嘅食材，中藥個d如果真係好必需就船運，否則大部分都冇得買，盡量係本地超市搵岩食嘅食材，調味最普通個d超市有售，偏門d嘅可以去中超印超可能有，除非你好有錢唔志在，否則買中式野係好好好貴，個心理要調整返，係冇可能過返同香港一樣嘅生活

4個讚
13

呢個要好小心，第一，唔係間間船公司都俾運食物、第二，英國唔一定樣樣中藥材都俾入口，尤其是動物類中藥材具埋唔肯定會唔會有D 植物係受管制入口。

2個讚
14
  1. 喺英國能買到：淮山、杞子、元肉、紅棗、薏米、紅豆、綠豆、眉豆、黑豆、黃豆、花豆、生腰果、生核桃肉、生花生, 以及其它比較大路的中藥材如太子參和麥冬嗎?

中超會有不過你預左會貴d同埋間間都係賣果款你可以上華南行online睇下，質素都一般，但上網都有唔同代購賣海味藥材既，質素會好d既，個價就你預香港價錢再加空運運費啦，通常貴over 50%，豆類西超會有既因為煮印度野好多豆，呢邊都會有得買，你可以上下Tesco online search下你想要既豆有冇，價錢都唔會太貴，西超有見過眉豆，杞子，腰果，核桃肉，如果行開可以影張相俾你睇下

  1. 隨身行李寄艙可以有液體嗎? 例如調味料
    要寄倉

  2. 英國有生鐵鍋賣嗎? 老派人習慣了用生鐵鍋, 可以唔使補鐵喎.
    你上去Amazon uk搵下應該有

  3. 英國有綠葉菜嗎? 如菜心之類的.
    中超有既中式菜：菜心，小棠菜，大白菜，大波菜，通菜（2.99/200g)，冬瓜
    但唔係香港果d款，全部都大大棵既基本上我見過都係同一款，我平時買開菜心係中超就5英磅一公斤左右

如果西超要中式菜，有波菜苗，西洋菜，豆苗(Pea shoot)，小棠菜（pak Choi)，菜心（Choi sum)，椰菜(Cabbage)，羽衣甘藍（kale)，生菜, 豆類，蕃茄, 多數1.2磅-1.6磅一包，份量80g-200g都有，再睇份量，都係果句你可以上Tesco online 搵下做下research

呢邊食菜係貴,得西生菜係平，56p呢家好似,不過肉類就平

3個讚
15

杞子大間嘅西超都有啊，叫gogi

1個讚
16

image
image737×715 118 KB

補返第3點之前有bookmark過有人買過英國製既iron wok, 都可以睇下

1個讚
17

可以去各大超市網頁睇下價錢。
提議唔好食中藥材，因為又貴又差。留啲錢買英國又平又靚嘅有機菜肉仲健康

https://www.tesco.com/
https://www.sainsburys.co.uk/
www.asda.com

1個讚
18

豆類超市都有，今日係Morrison 買左綠豆同腰果亦見到眉豆！我見過sainsburys有杞子賣！其他可以在華南行，另外一間移英海味網購！菜心太貴，不過好多人在花園自己種菜心！

1個讚
19
  1. 淮山、元肉、中藥材：中超 / 紅棗、薏米、紅豆、綠豆、眉豆、黑豆、黃豆、花豆 ： 西超同印度人開嗰D舖頭都會有 / 生腰果、生核桃肉、生花生：好間中local market有見過，但我用西超/印度舖嗰D腰果花生栗子煲湯煮粥都OK
    價錢係比香港貴，但我覺得係可接受價，反正又唔係成日食

2.隨身行李寄艙可以有液體，跟返航空公司液體寄艙限制就得。但米酒嗰D有酒精成份嘅有另外一個limit。但呢邊其實general要用嘅調味料都有得賣，貴D但可接受價

3.生鐵鍋：聽人講倫敦有，但我住英國西北部就唔多覺

4.英國有綠葉菜。菜心中超有但貴又唔靚。其他菜例如西洋菜、菠菜、白菜西超都有。菠菜唔貴，白菜就貴。另外呢邊有其他平靚正綠葉菜可以買嚟做代替品，例如Curly Kale、Spring Green

2個讚
20

呢啲多數好易移位？