正能量post嚟，大家可以分享下大大小小有關經驗
我先：我曾經分手後頹足幾年，不過只係愛情上，工作依然正常，叫做寄情工作咁
到我回頭一望：根本連對方個樣同名都忘記了。有乜咁傷心丫
9個讚
我呢啲hea 人，比人炒咗咪搵過份算囉
就咁
我係不斷去旅行搞掂.
本身性格唔收埋自己, 所以多數同朋友呻一大輪, 然後食餐好西, 搞掂
2個讚
呢幾年去唔到點搞
1個讚
真正低潮係父母過身，其他都nothing
1個讚
唔好抑壓情緒
有機會要釋放晒出嚟
唔開心搵個地方喊晒佢
tomorrow is another day 
3個讚
毋忘初心——From習大大
記得你當初為咩就得，就唔會後悔，習大大非常有道理
最低潮時都係靠自己爬番起身…真係突然叮一聲覺得自己唔可以再逃避
我一出世就係低潮,有對不負責任既父母,十幾歲開始自己搵錢就愈來愈好~
係低潮時真係要忍,到自己有能力既時候唔好懶惰!
仲有低潮時可以分散注意力,例如要諗屋企唔好都仲有朋友好,朋友唔好都仲有工作好…
3個讚
可能我個人冇乜要求，暫時唔覺有低潮
當然我都有經歷過被分手、被炒，過咗而家諗返又冇乜特別！
2個讚
經過好多事，發覺呢個世界上無人有必要對自己好，就算父母、另一半。所以發覺自己愛自己先係最緊要，可能有小朋友，基本上唔可以俾自己冧低，只能將自己心態轉移。
5個讚
以前係其他 post提過類似野。
由外賣仔到 gm，再 gm到碼頭咕喱，算唔算跌低？
期間明白到，時也命也的道理。
做返自己，順其自然再無強求。
背運十年過去後，其中一個前老闆主動搵我返去坐回原位，算唔算爬返起身？
本來就係兩手空空，可以由無變有，咁由有變無當然也可以。
2個讚
後生時失戀後 3 個月失埋業，雙失情況下好彩有班朋友輪流陪我去旅行、行山同去街。雙失後 1 個月搵到份新工，過多半年同 ex 復合返，之後仲結埋婚
1個讚
都係睇自己點睇所謂低潮
自己真係算冇乜遇過低潮，隨遇而安，感恩
2個讚
Me too.
所以好感恩。感恩人生路上遇到嘅人和事。
1個讚
我另一方法係飲酒, 不過唔想你地學壞 
我因為自己性格比較敏感又固執，感覺上人生都跌過好幾次好傷嘅
想企返起身，首先係要自愛，然後係自愛，最後都係自愛
識愛惜自己，珍惜自己，首先可以幫自己遠離對自己百害無一利嘅人，停止繼續一啲明知嘅錯
學識愛自己後（但唔同自私、自我），慢慢會發現，做嘅選擇都係對自己好嘅，條路會越走越順
7個讚
我以前就係唔識愛自己(因為自細無父母愛),份人太大方,無論對朋友,同事,屋企人都包容,成日做蝕底果個,但係大部分人都唔會感謝我,只會覺得係我c蠢…
而家我改變左,開心左好多,留係我身邊既都係好朋友 
4個讚