近日港男網上指控天水圍一名刀削麵店侍應，多次用下體碰觸其女友，事後餐廳公開閉路電視片段證員工清白，令輿論180度大反轉。不少網民其後紛紛炮轟該對情侶，更有人起底該對情侶，令他們工作場所被牽連。
至今日，網傳這對男女分別工作的髮型屋及首飾店在Instagram專頁發限時動態，表示二人已分別被取消工作關係及解僱。其中男方工作所在髮型屋表示，一直以來的經營方式是共享工作間，為髮型師提供場地理髮，男方是租用場地的髮型師之一，因其行為嚴重影響其公司，決定不再向該髮型師租出場地。
至於女方工作的首飾店，由於其IG帖文有大批網民湧入留言，亦發限時動態表示已經解僱有關員工，並更改電話號碼，呼籲顧客不用擔心。該店又強調不希望被滋擾，如再有滋擾會採取法律行動。
另外，涉事刀削麵店昨日（19日）淩晨0時半在社交網站發文，感謝市民關心以及回應質疑之餘，亦要求對方道歉。其後同日有網媒報道，指接獲這對情侶主動聯絡，對方稱已向麵店聯絡道歉。截至今日晚上8時，刀削麵店專頁未有帖文更新情況。
咁就搞到冇左份工
禍從口出
頭盔啊～唔好鬧
我覺得個員工都有啲問題既，咁窄既位，點解佢會覺得佢攝得過呢
其實係瓜田李下姐，都係無心，搞到咁大件事
所以冇腦嘅人唔好做埋曬啲咁愚蠢嘅嘢啦。個男朋友仲更加衰。
如果肥男仔冇口罩，如果冇cam，如果餐廳老闆唔出頭，個肥男仔就會變左嗰對男女嘅下場。
小事化大，自己攞黎。
睇左條CCTV，由人地第一次經過佢已經好厭惡咁掃個背脊，自問我都唔鍾意俾人HIGH到，所以我會坐過D/坐入D，再唔係就同對面掉位，唔似佢想封埋條路咁低B
對情侶係有唔啱，但嗰個侍應其實都有問題！平時去D好狹窄地方食嘢，侍應通常會提客人坐過小小俾同事經過，或者索性安排客人坐另一枱，而且佢手上嘅係滾辣辣嘅熱食，就算女客人唔覺被抽水，咁樣sip好易淥親人，點可能一而再再而三咁黐實個客人行過呢？
根本係女事主自編自導自演扮被炒，作用就係唔想大家追擊佢落去，憑通告內容推斷，下一個員工都係佢，亦係用同一個手機號碼，假到呢 !? 
果對久男女入去時，係坐最入長枱，之後見有張4人四枱就轉過去，當時店員已經叫佢坐埋一邊，但佢兩個為霸哂成張4枱，刻意燭光晚餐式打對面坐，就係出入餐果兩個主要通道，你叫店員點做呀? 唔通每一次經過都講一次呀? 
同意，大家都有問題，咁窄通常都會講聲唔好意思我過一過呀下咁樣，當然個對情侶又係小題大做左
係今日網路發達時代，都係少說話安全d
唔同意樓上話兩邊都有唔啱嘅jm
當然如果侍應可以aware d，件事係唔會發生嘅，你最多話佢唔夠周到，但佢唔係引起問題嘅原因，我唔覺得佢有做錯同做唔啱嘅成分。主要問題係而家對情侶係諗住冇對證，所以講得就講擺明老屈。
正常兩個人食，唔洗店員講，都會自覺坐埋一齊，讓半張枱俾其他人。佢兩個喺張圓枱打對面坐，就知係自私唔俾其他人坐。咁自私嘅人，有咩做唔出～
笑左 甘又比人踢爆!
其實依2個人真係好自私
如果你係甘介意環境不如去高級餐廳食啦 好冇品
我都覺
其實佢兩個唔玩公審就唔會俾人起番底
係喎
好彩鋪頭老闆拎證據出黎對質
條女坐到咁衰， 就算瘦啲嘅店員都一樣會hi到佢
佢哋根本係坐另一張檯，係都要換
但又唔坐埋D要打對坐
大佬呀茶餐廳咋，想點
呢啲真係回力鏢嚟。無人可憐。
我睇連登嗰度，男店員個妹WhatsApp狗男女解釋事件和替哥哥道歉，狗男女仲將人哋個妹改名做「seven head」。如果真係比人非禮咁委屈，都唔會咁做啦，根本就係玩9人+情緒發洩。
狗男女應有此報！
我睇完覺得佢哋更加唔抵可憐，人哋個妹好有禮貌代哥講對唔住
呢啲就係凡事太盡，緣份誓必早盡
我都係留意咗佢改人個名做seven head就更加討厭佢地，根本唔係想解決件事，而只係想公審人
想人無咗份工，最後自己無咗份工
都真係回力鏢
