多謝大家唔同嘅意見
其實我已經同老公冷戰緊
佢好內疚 話已經過咗去
我叫佢坦白一切 但佢唔願意
因為發現到依家只係半日 我仲需要時間思考 所以放上嚟問大家
另外我上面可能講得唔清楚
果篇文係一封信紙上面 係白信封入面
呢排清屋要清文件 先會出現呢件事
2個讚
樓主，可能你老公而家都覺得當年嘅自己好傻，慶幸當年冇再亂行多一步呢…人嘅心態會隨住年齡經歷有變…
希望你地有機會可以好好解釋清楚啦～
2個讚
其實仲想佢坦白啲咩？佢有內疚，同個女仔拉扯亦都係結婚之前的事，而佢最後亦選擇同你結婚攜手終老
同埋就算佢坦白，要坦白到咩地步你先會覺得心安？同埋坦白完會唔會有更多的刺？
唔好「打爛沙盤問到篤」，俾返少少空間自己，留返一點私隱俾老公
與其糾結於過左去的事，不如著眼未來的相處？
11個讚
多謝你 
得你一個有覆移民相關嘅諗法
2個讚
樓主我明白你呀
雖然大家普遍都話放低 但對當事人黎講真係好難受 要即刻放低唔係咁易
一直默默相信大家係對方既唯一 再加上對方又真係一直表現忠誠 到而家意外發現原來一路而黎只係得自己一個忠誠 個種震撼失望自我懷疑…再影響埋兩人之間以後既互信
如果樓主思考完選擇放低，都需要先生額外俾足夠既愛同信心去建立返關係，時間可以沖淡的，但可能以年計。
8個讚
我覺得應該睇婚後而家。
如果結婚之後到而家大家都認定了對方，覺得幸好是他/她，生活幸福，又何必介意以前呢。向前看吧，前路還很長呢，未來仍需要不少心力經營感情呀。
2個讚
話明婚前，如果咁計，咪要由出世開始計？
我由拍拖計
唔明點解會去到出世計
可能我唔係一個"成熟"嘅人
但婚姻 甚至一段愛情關係 忠誠係我首位同原則
如果呢件事係結婚前知道
我係唔會同佢結婚
可能現今世界忠誠係好高要求 好難做到
但唔代表我要妥協
當然經過呢件事 我係有成長
妻管嚴?
Right person, wrong time happens all the time 唔係那些年同One Day邊得來咁多共鳴?
重要嘅係而家同以後
我都有一個咁嘅"朋友" 而家各有家室 互相祝福 交流湊小朋友心得
完全無對唔住大家伴侶行為
雖然有感覺但都知大家唔會有好結果 好多嘢有距離反而最靚 所以反而我而家更珍惜同老公關係 更愛我老公
1個讚
懂得放下執念，沉澱發現愛更加多
講緊拍拖時期，都咁多年前
重點係而家對你好唔好
冷靜接受消化啦
如果呢個單純係原則問題，其實發生咗嘅事係無得改變，你只可以離婚。如果仲未離，會唔會係你自己都有猶豫係咪值得因為咁而離婚？
婚姻包含嘅嘢好多，忠誠當然重要，但包容，原諒都一樣重要
我自己要同另一半鬧交或指出問題，鬧之前至少自己會知個解決辦法喺邊，如果無得解決，提出其實為發洩多過要改善
佢做過嘅已經係發生咗一段時間嘅事，你有冇具體諗法俾你另一半做啲咩去補救？如果無，你捉住一啲佢無辦法改變嘅嘢，其實只係大家互相折磨
你話你有成長，但婚姻係兩個人嘅事，過到呢一次，可能會係大家一齊成長。喺呢件事上，要守住自己原則比較重要，定係學習喺對方犯錯時搵個出口俾大家，相信大部分人會揀後者
鑽牛角尖同擇善固執係唔同的，人好多時要識放手同釋懷，先可以擁有更多
22個讚
遇到一個人各方面都相處到而又維持左咁多年真係唔容易，無謂為左過去一啲事而去到離婚，就算佢當時成功約到個女仔出來，可能最後都覺得你先係最好，一世人流流長點都會有引誘
拍緊拖想飛起樓主都唔計得??
1個讚
唔明呢度點解咁多回覆,覺得拍緊拖想搵第2個女人飛起樓主可以當無事 
不過我都覺得未致於要離婚既
5個讚
其實我明白你
發現到老公對其他女人有諗頭，覺得根本唔應該同你結婚，而家結左婚成件事根本就錯哂咁
唔著嘅的確係老公，即使可能當時你地關係差亦唔代表佢有理由咁樣做
每人心目中嘅尺都唔一樣，因為段婚姻唔係你心目中所期望嘅忠誠之下形成，件事對你對老公嘅印象，誠信度同成個婚姻關係打擊好大
講真，冇左信任嘅婚姻，點行
你哋好似冇小朋友？如果冇，然後冷靜左都係覺得接受唔到，其實真係可以好決絕去離婚
不過我都非常同意婚姻唔只係忠誠
犯錯唔等於4年時間都係白過，如果咁就推翻你地咁多年嘅付出，有啲太可惜
你想佢坦白返成件事，而佢絕口不提，呢個我諗都係其中一個你覺得佢唔值得再信嘅原因
男人好多時都係咁
佢唔講通常覺得過左去，無謂再講出黎，因為咁係冒住再惹到你嘅風險，有機會令事情更一發不可收拾
而你會認為佢點都應該坦白，因為你有權知，接唔接受係你嘅問題，就算要嬲佢都應該要受返
不過發生左就係發生左
你無論問到乜，甚至乎而家搵到封信，發現婚前嘅佢係咁都係改變唔到
祝福樓主
4個讚
- 每個人心中都應該有遺憾, 我覺得你老公只係遺憾, 亦因為追唔到, 幻想會更加完美。
- 日記係非常私密既事, 係同自己嘅對話, 就好似黑暗面唔會想俾人知, 寫得"盡"D都好正常。(先唔討論你其實唔應該睇)
- 如果你同老公離婚, 假如有日你搵到新另一半, 結果另一半話「你曾經結過婚, 咁我即係唔係你至愛啦」你會點睇?
- 你會介意係正常, 但你老公對你嘅好全部都係當下, 或者仲會去到最後, 太過介懷人地嘅過去而唔好好經營現在同未來, 係咪值得, 你自己考慮下。
2個讚
係啦
如果個男人真係曾經當自己係後備
意圖出軌
心裡點都有條刺
雖然個男人最後都係同左樓主結婚
可能樓主會覺得如果當日佢出軌成功
佢都唔會同自己結婚之類既諗法
我都覺得唔需要咁快話離婚
樓主應該自己冷靜下先
樓主明顯係感性行先過理性
所以唔好咁快做決定
4個讚
唔好話你老公, 我同我老公拍拖期間, 都有諗個同某同事更夾, 好唔好同個同事開始呢?
最後又因為一啲事, 覺得自己老公較好, 就放低左啦
算啦, 邊個無過去
佢而家一條心對你, 又對建立頭家有責任心的話, move on la
5個讚
一日未結婚（未簽約），對我黎講都係未揀定，仲比較緊，騎牛搵馬中（試用期）～
樓主應該係非常專一，所以怪責對方並非同自己諗法一樣。
3個讚