同老公一齊差唔多十二年
拍拖八年，結婚四年
一路都覺得佢好好，雖然唔有錢，但對我好同專一
我哋相處都夾，價值觀都似
仲對移民果d都一樣諗法
Plan緊今年年尾一齊走
但原來係拍拖中間
佢曾經有諗過追返以前讀書時期一個追唔到嘅女仔
我不嬲唔會check電話果d
因為覺得要變心都唔會因為check得密就唔變心
但最近一d事俾我發現呢段婚前往事
如果佢淨係心入面諗但冇任何行動
我會明白體諒
始終每個人都有過去 遺憾
但佢中間差唔多成年都有主動搵果個女仔
唔算好密 有時一個月一次 大時大節祝福果類
但都有嘗試約出嚟食飯 但唔成功
最後可能果女仔結婚 佢就停咗
我覺得我唔會原諒到
第三者 出軌果d係我底線
依家諗緊係對我移民有咩影響
因為離婚會搞起碼一年
但唔離 自己一個移民又唔想有手尾跟
麻煩各位幫我理性分析 
以前嘅事就算啦，最重要係而家
睇到呢度就會勸你：已經過去，放低
人地唔so 佢，做唔出乜
而都過去咗先發現，鬧幾日算啦
我都同意過左去就放低，當然要睇下而家嘅佢對你好唔好
就係為左呢件事要離婚？
你還愛他嗎？
即係佢無實際出到軌, 但想出軌. 而你又唔甘心原來係後備?
如果係我就放低.
你覺得有背叛感，但其實佢又未算出軌
不如你搵個機會「打探」下佢口風
扮野話係ig/Facebook 見到佢有呢個女仔fd
問下佢點識佢？係咪ex-gf?女仔依家生活點（結婚生仔未）
睇下佢係8掛，定仲有野
佢追人地已經係你地結婚前？已經結婚四年，如果呢四年無發現其他不當行為，如果係我老公的話，我會算數唔再計較
10個男人9個滾，仲有一個仲諗緊。
男人女人係唔同星球嘅生物，你太潔癖係無得玩的。
估唔到大家都叫我放低 
我都會冷靜思考下
我拍拖果陣已經講明唔會接受到第三者果d
佢都好清楚我性格
我嬲嘅係呢件事唔係短時間
係差唔多成年
佢係有時間理性思考 唔係一時衝動
就算佢最後冇出到軌
佢都有行動過 嘗試過 不過唔成功
就算所有嘢已經過咗去
我自問已經冇可能對佢好似以前咁
未至於冇可能一齊生活 但最多係普通屋企人咁 
中意你潔癖呢個字
移民緊要呀，移咗民先再諗離婚啦。
中國/香港/英國變心嘅風險大過你老公變心
係囉
我都有諗係咪我standard太高
我係只要拍咗拖
就算有其他男人過嚟
一開波就會落閘
自問呢十二年落過好多閘 
曾經聽過一個theory
出軌係正常
專一係要額外力氣
如果要咁計，老公以前俾女飛左之後搵我拍拖，咁我係咪後備呢
你要靠佢先走到？
移民期間會有好多爭執，你儲埋呢啲一舖過離婚，會抵過剩係因為意圖出軌離婚架～
又，可能移民咁辛苦你地都一齊捱過，到時關係好返呢
唔係呀
自己都走到
但驚到時要返嚟搞手續
其實佢約果個女仔，等唔等於就係想出軌？定係純粹對對方好好奇，畢竟當年對人有興趣，好想知佢而家點&做個朋友？我唔知我咁諗係咪太天真
日日對住眼冤，遲啲又係呻