巿區、新界及大嶼山的士今日起加價。
有市民表示，可能會減少乘搭的士，自己平日除非很趕急，否則很少搭的士，又認為如果各樣收費都加價，的士加價亦合理。
的士司機冼先生說，相信加價初期乘客會減少，要待乘客適應價目後才會回升，又說加價同時車租亦相對提升，加價對其收入沒有幫助。的士司機劉先生認為，的士與其他交通工具不會構成競爭，形容的士是夕陽行業，沒有年輕人肯入行。
咩都貴~ 
加價唔係問題
但唔好聽到短途，就黑面，又挨聲嘆氣
我俾錢，都有壓力
7個讚
架車又舊又污糟車身低
平時真係好少幫襯的士
短程唔願做，趕時間佢就行錯路，再唔係就問我行邊條路快，應有嘅專業、態度都冇，我近幾年係明顯少搭的士，可免則免廢事煩，價錢反而完全非主要因素，所以就算佢減價都唔會影響我搭多左。
btw有時紅日遇上d已退休頂更司機，佢哋d態度反而重好。
4個讚
係喎係喎
有時 我係唔識路先搭的士
佢問返我點去
5個讚
有啲仲有煙味
3個讚
我有時真係唔識路，但有時d路我搭開知點行，遇著d扮傻扮懵，佢表面係問我意見，轉頭以為我唔識就兜路。
講緊兜完可能先俾多$20，佢嘥我時間兼當我傻仔喎！
都試過我真係唔識又信佢識，我落左車問人先知中晒伏，可以直頭車左我去隔離個屋苑。
1個讚
冇錯!
我坐過好多次短程. 明明唔會跳錶既點都跳一下.
重全程不停依依唉唉.講說話比你聽油錢都唔夠賺埋呀.
之後不停DUP 車. 好多都係好PK
1個讚
如果的士服務可以改善吓就好，偶然會遇到好嘅司機，可惜比例真係少。
2個讚
係囉…俾錢仲要受下氣咁
想俾舒服d，我用和你的
當然太短途都應該無人接單，短途就早d出門啦
1個讚
試過係將軍澳搭去寶琳，竟然‘唔小心’行錯路出咗藍田，仲差啲撞車
原本佢仲想收跳標個價，我哋忍去到寶琳叫佢係警署門口停車，最後俾咗60蚊車錢…原本拎住重嘢想快先搭的士，點知15分鐘車程變45分鐘，車錢俾double
當時唔想再浪費時間，佢唔收跳標價就由佢…不過真係好嬲
2個讚
好慘
俾我會記低個司機叫咩名
睇下有無咩方法搵運輸署投訴
我都覺
有時就係太多重野拎
又無巴士經過
或者扶老攜幼
先想搭的士
1個讚
一上車我就聽HEADPHONE, 話之佢黑面
有丫，都真係有人覆返，一兩日左右就不過之後下咗啖氣就唔想花時間去投訴
1個讚
嘩~~~
咁有效率?
係我都覺得出奇
1個讚
我都有用和你的，司機多數都後生仔，好多時坐到新車。
不過始終車會少啲，要預早少少call，唔知係咪我區問題，我通常都要等成10分鐘左右，希望佢地會多啲車，唔係會令人卻步。