呢排成日發啲咁嘅夢
唔知醒、校車走咗但兩個仔女仲未起身
發夢喺房訓緊嘅我、聽到有電視聲傳入嚟、行出廳、見到對仔女同老公喺廳好開心咁睇電視、但時間係朝早十點、佢地竟然冇返學、我好燥閙老公點解明知佢哋要返學都唔同佢地返、又冇打過返學校請假、係咪我唔知醒就乜都冇人做、又一路鬧對仔女拖佢地出門口行返學……個口係咁鬧你地比人笑都要你哋返
現實上未發生過、仔女都唔會爛訓準時起身、老公都會幫手送仔女落去搭校車
我feel到自己情緒上有少少唔對路
成日唔知想點咁
本身鍾意睇書、但呢傢打開本書、睇左半個鍾都睇唔到幾行
本身日日都會跑半個鐘
我係咪應該要揾下醫生睇
定係再睇定啲先
好似突然生活緊張？有冇咩生活上既變化？
我對運動有啲在意！
自己早一排唔舒服停左跑步一星期，
除左頭幾日病到wing wing地即訓之外，之後個幾日都係床上郁黎郁去先訓得著。
一跑返就好快訓著
有冇機會搵啲時間做返運動？
我周不時發夢返番中學，下堂有考試/測驗但我冇溫書！
或者下堂唔知上咩課/去邊個課室上堂…
但現實係我以前係乖學生嚟，一定會溫書考試測驗
又一定知道下一堂上咩去邊咁，所以夢裡面既嘢從來都冇發生過。
每次發呢D夢都好 stress 到起身時候仲攰過冇瞓咁
唔知點解會發呢D夢，估都應該係日常 stress 導致。
我同意樓上抽時間做運動，個人會健康D and relax d
我成日都夢到呢啲🫣因為真係試過遲咗起身
之後就成日發夢夢到過曬鐘無送到仔女返學
可能呢啲係無形壓力嚟…將你日常生活中好在乎同緊張嘅事變為夢境
疫情開始因為長期停課
兩個小朋友都係小學
20年尾開始做全職媽媽
辭職係有唔開心、因為做左十幾年
將來未必揾得返呢份人工
當時同老公傾咗好耐、大家認同咁樣安排係對頭家最好
加上呀女成績一向唔好、由本身0分幾分、到我唔做嘢親身日日教、呢傢有五六十分
運動不嬲都有跑步、不過時間唔係長
朝早小朋友返左學就會去跑半個鍾咁
去下staycation ？長洲嗰啲都好，放鬆下
Or me time
咁你其實係咪對「辭職」仲有少少耿耿於懷？
小朋友學習大進步都係你既功勞
同你工作一樣，你工作都係為家庭付出
而呢一刻你唔做，都係為家庭既付出
係咪因為早排小朋友考試啊？考試個排真係精神緊張架
平時有冇 me time啊？有冇約下朋友傾計？
有冇時間可以睇下戲之類？
你好似橡根咁，呢一刻好似拉太緊了
有冇機會叫自己放鬆一下？
我都係，幾十歲人都係發夢明天要考試和交功課
我間中都有發夢唔知醒叫小朋友返學
發夢自己返學遲到
諗番通常嗰期精神緊張,太忙, 太攰
樓主可能做番運動, 或者relax下, 聽歌,比自己有小小時間,metime,放空下個人先.
發下呆都好,可能真係太緊張
7,8年前一訓就好似煲幾粒鐘劇咁，都影響精神。不過無理佢發左一年左右就無發，好好訓。同阿媽講佢就會話我係濕熱。
近兩個月又開始發夢，唔理嚕，訓得著唔係嚇醒就唔理。
好多時都會發一啲同生活有關嘅夢，未必會現實發生，咁應該係太多憂慮了
起身依然好攰
笑左
典型既「媽媽回覆」
訓得唔好「飲唔夠水」「打太多機」
有無人好似我咁， 成晚不停發夢， 發完一個夢就會醒一陣， 又訓番又發過夢
有
我覺得係開始有大責任要負，而有嘅無形壓力夢
我由大肚時已開始咁發
到而家小朋友幾歲都係咁，成晚嘅夢係有起承轉合咁，所以成日瞓醒都好攰
未有小朋友時，只係久唔久會有呢啲壓力夢
我諗到佢大左先會好啲掛
你可以試下搵原因
同時試下每晚臨訓前寫好to do list
少d 野記掛可能會好d
塊引用
[quote=“01d3a1239119dce4c19a, post:1, topic:65392”]
好
[/quote]o u ppl n mys i see
其實係有、但因為小朋友係SEN
要去覆診、要去上堂
上完堂都有野要帶返屋企做
本身份工都chur,冇可能成日請假
當時同老公傾左、因為老公份工穩定好多、佢又做到seafood位、咁由我唔做野去照顧小朋友係最適合。
其實前前後後都兩年、我都同自己講係值得嘅、自己對頭家係有貢獻、老公都認同小朋友係進步咗。
好似呀女係專注力不足
計數好簡單嘅36-12、坐喺則邊篤實佢、佢咪計到囉
當我叫佢坐去對面、佢就可以計到44出嚟
有時都好氣餒、都唔知可以篤到幾多歲
學校已經簡左關愛學校、老師都錫佢、成績唔好、功課唔係啱晒、老師都會送好多小禮物讚佢認真
貢獻大過搵錢
小朋友仲細，有媽媽陪伴非常重要
小朋友有進步，佢自己有功勞之外，你既功勞最大