話說我老公個人好得意，同佢傾認真話題佢會尷尷尬尬咁，本身佢個人係好有自己想法，但唔多表達自己。
然後早幾日老公終於say yes 可以去英國，但詳細未傾到
呢幾日我自己開始諗移民既安排，例如賣唔賣樓，幾時賣，幾時走咁
仲有個好大既議題就係生唔生，邊道生
以前傾過下，老公話要生都唔想係香港生，同埋本身唔太想生，但如果我想要都會尊重我（但佢本身係好中意小朋友），所以最尾都未有決定，而我過多2年就進入高齡。
面對性格係咁既老公，大家有無咩建議可以點樣同佢傾呢？太多太急又驚嚇親佢
如果打算去英國我覺得最好係打開個RIGHTMOVE一齊睇屋嚟討論, D屋一般都比HK靚同SPACIOUS (睇見都開心, 善用STREETVIEW功能可睇埋周圍環境), 傾好落腳點係第一步
2個讚
傾咗移民先，生小朋友過去先再諗。
一次過咁多問題，我都嚇親。
有時我老公唔肯傾，我就自己計劃，搞掂通知佢
如果佢無意見就話可以自己決定曬
但最慘我老公係有自己諗法但唔係好中意講
我諗住試下網上搵工先，如果搵到就睇邊道返工黎租屋
咁一係特登求其講個你唔討厭嘅諗法，然後等佢reject 再講心中諗法？
我老公都係咁
我自己覺得呢啲人講野極需要睇佢心情，佢心情好先問少少，一兩個問題，如果佢見佢答得有啲內容或氣氛好就再問多一兩題，分幾次
千其唔好一次過Chur佢
或者俾個預告/邀約佢搵個時間傾，等佢有心理準備知道有野要傾，但都係唔好問太多，除非佢開綠燈
至於移民同生小朋友，我都明白點解你會撈埋左一齊，可能想係落腳點/住屋等問題上可以準備埋，係有啲關連
你試下直接講，落腳點同住屋方面你都會加入有小朋友嘅方向去諗，睇佢會唔會好排斥
對於佢呢啲人黎講，諗得太複雜/行得太前，佢地未必「跟到」
除非你見佢都好積極或有意識想計劃埋啦
諗埋係好好，但著重返解決移民嘅事就比較易入手，到埗後搞掂左兩個人嘅野，適應左再傾小朋友嘅野，因為由備孕到生得都最少一兩年時間，多啲走盞位，又唔駛迫佢面對咁多問題，你地又會冇咁大壓力
多謝你覆得我咁詳細
係呀 我都係咁諗，少少咁同佢討論
希望可以達到共識啦
該主題在最後一個回覆創建後90天后自動關閉。不再允許新的回覆。