該公務員在「公務員secrets」中發帖稱與老媽子相依為命，兩人排公屋排了9年，多年來就算成為公務員都非常慳家，終於等到見房署主任，一心以為等睇樓時，點知時隔半個月主任打電話給他，見到他「跳point」，需補回最新一期糧單，而該公務員底薪20k剛剛好超過2人限額$19,550，他續指扣除強積金後又會低過20k，不過仍然被房署主任取消資格，白等9年。
而事件到公務員的老媽子相當不滿，由事事撐政府到現在凡事睇唔過眼，公務員說：「講咁多嘢同比咁多嘢佢睇係冇用，只要親身感受一下，自然就會開竅，我哋兩母子繼續過反夾心族嘅悲慘生活，連老媽子牙痛都冇錢帶佢睇醫生，香港政府對香港人真係好。」
低級公務員申請公屋好似免入息審查㗎喎
睇黎事主阿媽係藍絲
事主都幾慘
扣埋MPF 都唔過20K
仲要養阿媽
我估佢唔係排公務員條隊?
咁其實佢可以排公務員隊㗎啫，佢如果係公務員又合乎排公務員隊嘅資格，點解唔排公務員隊
，另外佢阿媽應該都可以排老人隊啩？ 呢個case 好奇怪，如果佢阿媽合資格排老人隊，其實應該唔使排九年咁耐先有樓啩
同埋申請公屋個入息係會扣返mpf 條數出嚟的
係啦我都唔明
不過可能九年前佢媽仲未算長者?
佢話阿媽牙痛無錢睇醫生
即係連拎長者醫療券既年紀都未到?
係喎，長者應該有醫療券睇醫生牙醫嗰啲㗎喎，呢個case 好奇怪
雖然我無申請過公屋，但之前都有幫老人家睇過吓點申請，通常政府係有老人隊比合資格老人家排，而且如果老人家無指定要求邊區嘅話通常三年左右會派到樓，同時政府亦容許獨居嘅老人家喺公屋加入照顧者嘅名，照顧者可以係親屬，就算唔係親屬關係都可以，只要老人家肯就得
祖國留落黎既公務員福利其中一項係家屬醫療，公務員家屬都有條即日籌既隊睇醫生，牙科治療都有，不過就排多D時間。
19年有朋友個老公岩岩做公務員即刻就去BOOK洗牙
藍得黎又蠢咪就係呢D囉…
可能佢呀媽比較後生吧。我都係30幾但我媽咪50中，所以有排都未老人。
而加老人係幾多歲？
醫療券應該係65
但排公屋就唔知計幾多歲先算
我啱啱上網睇多次，原來58歲巳經可以申請「高齡單身人士優先配屋計劃」
你叫政府唔好加你人工丫麻
家屬醫療只係包括：配偶及未成年子女，
父母唔包架。
就係蠢，先至藍。
好大可能係 “合約公務員”
嗱嗱聲辭咗份工，過三月先至回覆房署，
一個月辭職，加兩個月失業，報比房署就唔會超額。
未結婚既話無的嗎?
你又岩喎 
NCSC 乜鬼公務員福利都無!!!
事主阿媽宜家又未夠年紀排公屋長者隊
成件事即刻講得通
該主題在最後一個回覆創建後90天后自動關閉。不再允許新的回覆。