某人終於被紅綠燈馬擊倒，話估唔到咁快，以為仲可以等多幾年，睇黎好快冇左一腳兩制我哋都係快啲走了遲d走唔到啦，之類之類。。
我真係倒抽一口涼氣，心中粗口放題，d你以家先知？你window呀。
大家思想上步伐完全唔一致，可能佢係大中華膠，而我由細就被老豆每晚介紹返共產黨係幾咁偉大。
呢幾年嚟我都重複講左好多，原來佢都冇聽入耳。
有咁嘅隊友真係有啲灰，我都提唔起勁下一步了，唔知有冇人明我意思。
14個讚
我明你講咩，而家醒都未遲吖，計劃下
3個讚
至少有返意識，唔算不知不覺了。
Plan吓啦，要走時可以即刻走。
2個讚
大家嘅底線都唔同，就算同路人，想法都未必一樣。我記得你想走，既然另一半都頂唔順，就拿拿臨plan
6個讚
無記錯…你小朋友唔係細個？
半大不小，超多嘢考慮。不過總係好事黎，慢慢一步步計劃
1個讚
遲到好過無到呀！有得走，可以當係開心事啦～～
我都記得我老公遲我一兩年醒，都係罵咗佢一輪。你俾幾日自己咒罵佢，轉換下心情，然後就可以疊埋心水，用上之前準備嘅移民計劃啦。
你以前講嘅嘢可以再講，佢會突然聽得入耳，開關打開了。浪子回頭，應該開心嘅
8個讚
大中華膠同鐘意CCP 係兩件事
3個讚
想 同 action 永遠係兩回事
3個讚
plan咗先都好
1個讚
其實本身諗住兩年後走，不過聽到實名制，今晚同老婆決定盡快走
9個讚
唔係未醒吖 （不是話樓主）
1個讚
都好吖佢醒覺恭喜你守得雲開！加油 plan
你會去邊呀？
3個讚
佢願意走，你就嗱嗱聲「做嘢」，搞得嚟又要幾個個月。
4個讚
口風鬆左都係好事，好多人都係針唔拮到肉唔知痛
你趁機再勸+嚇，今年內走都仲得！
2個讚
有得走就快D走~
我屋企D 藍人仲高呼 “做得好”, “早就應該做”
其實點解你地唔返大6生活.
4個讚
佢而家先醒都好過無呀，我屋企嗰個煲完iswim再煲韓劇，問佢河南咩事知唔知呀？唔知！問佢盧寵物廢噏過啲咩呀？知知哋，話佢都痴線，咁就講完㗎喇
打鐵趁熱，push多兩下就快手走人喇
8個讚
我身邊有幾個搵到錢嘅人仲未醒，搵錢大過天，話驚去到外國搵唔到咁高人工。
乜乜碼對佢地嚟講都無問題㗎，因為政府話紅碼只會喺確診嘅人先會邊度都去唔到喎
1個讚
信政府, 唔怕!
1個讚
哈哈哈哈，我以為睇緊自己嘅心聲！
Big big hugs! You’re not alone!!
退一步唸，起碼都
唔晒。
加油呀，
等過咗海安穩後，再將隊友鏟到上天花板都唔遲
2個讚
肯過去就唔好再鏟佢啦
3個讚