請問有冇朋友飛英國時, 航班會在泰國曼谷機場轉機嗎? 如何度過在機場逗留的10個鐘? 如有朋友有經驗, 能否俾啲建議呢?
搵lounge 入，
打Pokémon go
搵個靜啲嘅地方上網/me time
我記得以前可以出去, 附近食飯,按摩. 太耐冇去泰國唔知有冇記錯.
因為到曼谷是夜晚11點左右, 第朝9點幾第二班機起飛, 所以想問下有冇人知道或者試過在機場入面過夜的經歷, 唔知機場入面不外出會否有酒店可睡呢? 網上睇有間奇蹟過境酒店 (Miracle Transit Hotel), 話係在機場入面, 但地圖睇又好似唔係. 如果有朋友知道就請教下路.
Miracle 係禁區入面，overnight 6-8hr你預一千港紙左右。
睇相就似普通ibis 客房。
Miracle lounge 2hrs min 大概HKD 300左右，
可以任食同沖涼。
都乾淨企理，食物質素ok，入得口嘅，但未至於好好味。
如果諗住住轉機，又諗住租酒店瞓，咁不如直飛或者搵轉機時等候時間短啲嘅。 因為得十個鐘，你出出入入都冇咗3，4個鐘，一個唔好彩，香港飛泰國delay, 而泰國飛英國提早時，就失預算。
我香港飛英國提早咗半小時起飛，搞到我冇得去 lounge hea
土耳其航空好多兩至四小時轉機嘅，好多香港人用嚟飛英國
2個讚
而家在泰國轉機係咪有買保險同帶檢測報告（如未打針）就ok?
我嚟緊都係呢個時間轉機，不過只是等4小時，諗緊有冇機會食到芒果糯米飯 
呢兩日搵機票, 發現所有航空公司都非常貴, 加上要考慮行李的限制, 所以只能搵到九月機票價錢才開始少少回落, 土耳其航空起碼要萬三元一個人, 而我睇中的是轉兩次機, 但全程都係同一航空公司, 唔係土耳其, 價錢只係它的一半. 我諗只要能將機場十個鐘計劃一下, 盡量搵到一個舒服點的解決方法, 都應該OK. 上面朋友介紹的miracle lounge 2.5鐘$213/人, 我覺得都可以考慮下. 問過航空公司, 如果要辦離境就要有72小時的核酸證明, 唔出去就唔使. 做核酸的錢都夠入lounge hea下了.
Miracle 已經爆滿了. 不過你提的Lounge 倒係一個好方法, 只是唔知是否24小時營業?
Overnight hotel應該好難爆，都多房兼貴，同埋只限禁區內。。。
你去到lounge再問，佢見到你boarding pass係第二朝先上機，應該都會主動同你講hotel嘅details。
24/7營業
如果決定禁區內瞓，
早啲搵個暗啲同靜少少嘅好位，
同帶多一兩件衫，到清晨少人都少少凍。
完全明你嘅選擇，祝順利抵港！
夜機芒果糯米飯收咗檔
如果大家都係早機番港，太早未必開門
多謝你溫馨提示, 不過我唔係由英返港, 而係從港往英. 屆時有疑問再向各位請教.
新生活一切順利！