自從我send上一篇關於工人姐姐ge文章都已經有幾個月
近排發現佢越來越過分
我每次阻止細佬搞搞陣佢就同細佬講唔好理哥哥 哥哥唔係人 宜家細佬只要邊個佢睇唔過眼就鬧人地唔係人 係屎 係垃圾
細佬成日發脾氣 無端端就反面唔黎人 佢竟然叫我地服從個細佬 唔係就打
我每次話佢唔好咁教細佬佢就叫我如果覺得佢教得唔好就唔好返學係屋企教細佬
屋企人又淨識叫我地遷就姐姐 遷就細佬 成日要睇姐姐面色
細佬遲早會比佢教壞
你係咪應該同你父母商量，好過喺呢度問意見？
咁工人姐姐嘅問題，應該由你父母出聲。你父母係咪唔知道個姐姐係咁樣？咁教你細佬同咁樣對你？
你應該快啲同你父母講，快啲解決個問題，如果唔係拖落去，問題只會越來越大。
相信你都係呻下
因為你父母又唔理，你改變唔到任何野
都係個句，同細佬同工人保持距離
乜都唔好理！
真係好離譜
如果咁樣父母都唔理
你好慘，既然父母都唔理，其實你都冇嘢可以做到…
問題係父母都遷就姐姐 甚至睇佢面色做事
呀？
點解父母要睇工人面色？小事就話啫，關係到自己仔女，尤其係郁手打，咁太過份。
你有冇同你父母講出工人點對你同細佬嘅事實？你父母除咗叫你遷就之外，就冇做其他嘢？我不能理解喎。
我都覺
可能你父母好怕請唔到工人
同埋覺得佢表現好好?
但教到你細佬咁樣鬧人你父母都唔理
又係神奇
樓主應該仲係初中生
做到保護自己保持距離已經唔容易了…
樓主父母又會咁大安旨意將三個小朋友交比姐姐
就係初中生，先需要父母嘅保護。
就算父母幾忙，工人幾好，但要拎時間來了解家庭中嘅事。
所以我覺得係咪樓主父母根本唔知道工人咁衰，所以就 冇理到。
樓主你真係要同父母好好地，認真地傾吓呢件事。
好多雙職家庭都會忍個姐姐，因為請工人難，父母又唔肯放棄自己份工，十年之後一定會後悔，小朋友已經縱壞咗，到時想教番好都難。
樓主有冇拍片做證據俾父母知？
我印象樓主好似之前post有講，父母驚工人唔撈所以都忍讓個工人。
我估應該真係父母唔理所以先會上網求救。
唔好話返工、有啲直情放低小朋友同工人喺屋企、兩公婆自己staycation….仲要係一個月起碼兩三次果隻
唉！
其實會唔會有親戚上過你屋企?
而同你又熟少少
可以搵佢幫手"轉達"下情況俾父母知?
就係咁