有無人屋企用緊可以洗pat pat既馬桶?個D係咪叫智能座廁? 好用嗎? 有咩好用或者後悔既可以一齊分享經驗?
用緊，後悔唔早啲裝。
除咗洗pat pat 仲有暖水同暖板，冬天真係好舒服。
暫時諗到唯一唔好處，係冇得就咁用花灑直接成個馬桶冲洗，電子板同附近要用布抹。
1個讚
噴管記得最好可以郁得既, 男人同女人個位唔同, 郁得先就到
如果屋企有老有少, 見過有d high class 款既好似仲有兒童模式同老人模式
2個讚
你地。。好勁呀 
以前去日本旅行時用過, 溫水射菊花係幾HING 幾舒服
你都可以換
你係鋪頭問多幾問， 又或者到時問安裝師父都可以知多好多
用左好多年 冬天好正
講起支噴管, 記得一定要識自動除菌, 唔好下下要自己清潔先用到, 到時就會懶清潔而少左用. 另外用料要好, 要襟用, 噴水位用不銹鋼好D, 怕生銹,見過有D牌子係用膠做
3個讚
冬天用真係好舒服
我覺得好難清潔支棒 成日有陣味 現在換了發熱廁板算 冇左洗patpat功能
上網見KOHLER 有款智能座廁Eir, 一體式簡約得黎又幾靚仔
我反而少用，有d後悔，
洗完patpat 都要用紙巾抹乾，當然吹乾都得既
個款幾好呀, 功能又多, 見佢話有水質過濾系統,噴出黎既水會過濾過, 感覺衛生啲
買左點解又唔用? 整乾其實好少事姐, 我覺得唔成問題
有用，我用toto智能廁板
小朋友好鐘意用，佢哋怕抹唔淨pat pat，每次洗完先抹就一定乾淨。
我就鐘意M嗰幾日用，清潔得好啲。
有得較暖水，溫柔啲同大力啲，好舒服。
我諗應該係無呢個習慣，同埋平時貪快, 其實裝左應該要用多啲