我32 老公37
老公超級鐘意小朋友 好想生 話最少點都要生一個
我就麻麻地小朋友 平時鐘意吃喝玩樂 去旅行 買袋
我知如果唔同佢離婚就遲早都要生
但我真係好怕生完 生活質素下降 對於而家既我黎講 買野去旅行 重要過一個bb bb令我只感覺好煩
但如果遲早都要生 好多人勸我不如而家生啦 早d生早d 甩身 同埋都未必即刻有bb
比著你地會點擇？？
講d 背景先：
家庭收入47k
供樓+管理費+水電煤15k
保險4k
我要比家用3k
老公無乜洗錢喜好 答車食飯2k
我就洗成8k
可唔可以改左個包包先啊 好銀眼啊
有得揀？
結婚前冇講？
除左年齡，我以為係我朋友開po
佢最後既解決方法係攤牌，開出條件，例如如果生左個b, 佢要做ftm, 一定要個b生活無休食organic著名牌，讀international school, 高小去外國，叫佢老公諗掂條數佢，諗得掂先開波。
基本上佢地月入過十萬，有樓有車，但都唔係幾諗得掂，呢家仲未有bb.
如果自己唔想生，就算對方有100個理由我都唔會生。
係啦
感覺樓主生仔係為交功課
非常唔情願
只係為左婚姻唔破裂
不過響街睇人地湊小朋友
同自己生係兩回事
可能樓主真係經歷九個月懷孕後
有其他諗法?
另外樓主都明白唔係想生就生到
結婚果陣乜都無傾 被愛情沖昏左頭腦
同我開既條件一樣 haha
我地月入咁少 無可能
係呀 我講明我只會負責生產 唔好叫我湊 養 教 (雖然生左可能我自己都好鐘意既 哈哈)
呢哋嘢唔係有共識先結婚?
不過，你唔鍾意小朋友就真係唔好生，生咗出來唔識面對，有十幾年你受，而且倆夫妻仲會為仔女反面。唔生又唔代表唔會有感情問題，男人 37 仲後生，如果佢唔覺意出面有個女朋友仲有咗，你都一樣有離婚機會。
我老公本身都對生仔好似唔太主動積極既
到我大肚時佢都唔會專登同BB 講野
完全係我緊張過佢
到BB出世
好神奇佢真係完全唔同晒
所有關於湊BB 既野都自己上網搵資料做功課
放工番黎又自己落手沖奶換片湊BB
咁你已經可以ko 佢，無煩惱
千祈唔好做傻事…
生出黎就assume左你一定要湊養教。
如果唔係就道德綁架你。
好似好誇張, 但男人冇經歷過懷孕之苦,
佢地永遠都唔會明白你犧牲左幾多。
到時佢本pair乜都卸哂俾你做, 你會跌入情緒谷底。
會係咁鬧交, or 鬥忍。
係, 自己個仔一定錫,一定愛。但有苦自己知。
個BB未出世, 男人一定托塔都話得。
尤其你老公話自己咁鍾意小朋友
千祈唔好信…
乜唔係婚前傾好架咩？
生左邊個湊？每月15k 淨、比埋湊b $ (no matter 工人、長老/ 育嬰園都要比錢吧）、應該月月清了…
唔鍾意小朋友真係唔好生，好大責任
你如果真係做到唔湊唔教，個小朋友都會好慘
冒昧問句，層樓幾大？
小朋友出世後仲要有自己空間，請工人又要房，唔夠大要換樓。
如果你Ftm 收入無47k，個人覺得唔多夠。
雖然平有平養，但你2公婆接唔接受到小朋友平較草根式養大？
你依家列出來的收入扣除開支，淨返15000
過來人話你知不要看輕小朋友的使費，請工人跟政府人工已經四千幾，得一個又想佢讀較好學校(playgroup 大概三千幾，私幼學費又幾千)，仲未計學野，你Google居住附近的私人幼稚園學費就知道。
養一個小朋友好似食錢機咁，有入無出。用實際情況同老公商量，我朋友老公聽完開支就唔生，話玩下人哋嗰啲就算。
我都好似你咁，本身麻麻地小朋友，但老公鐘意，佢生之前仲講到會幫手湊呀點點點，但而家小朋友2歲，佢已經唔點理小朋友，d野全部都係我理，所以真係要諗消楚，生左出黎冇得後悔