想生BB, 叫做認真試左3個cycle (用紅d + CB 哈哈笑）一直period 都唔準，短既28日，長既試過53日… Average 42日咁啦
今個cycle 已經50日了，驗過綠d 係白雪雪距離排卵日dodo 都4個星期了… 紅d都係好白，應該今次都唔中了
有冇jm可以安慰一下我？雖然只係試左3個cycle, 但我唔係28日一個cycle, 用左唔只3個月了。成日都要check 住排卵，又要老公肯配合（最麻煩係呢樣），真係好辛苦
唔好灰心，希望你唔好介意咁講，見過好多朋友唔得係因為個流程太交功課，放鬆心情唔用呢啲，真係享受過程反而中
BB仲喺天上面揀緊你哋呀
加油努力
傷心幾日，然後收拾心情
祝福你
Ｍ唔準，有無睇下中醫呀？
28-50日CYCLE好難去做功課個喎。
同意~
我之前都係想調理下
睇左中醫半年
經期真係規律番
我同樓主有啲似，我d經期都唔準同成日m痛
我試咗9個月，但我係懶嘅，冇用咩紅d綠d，只係用app計排卵，我老公亦唔係個個月肯交功課，所以試嘅次數都唔多，諗住試多最後一次，唔得就唔再勉強
可能因為諗住放棄，個次個人心情比較放鬆同埋聽人講完咗墊高屁屁，就係咁我中咗了
樓主都可以試下
想問睇中醫應該點睇法？每星期一次？一個cycle 一次？
個個中醫唔同做法
我之前果個係叫我keep 住個個星期睇佢
首先要睇中醫調理
我本身好似你咁可以長到5x日，睇咗3個月已經規律返，大概Day20左右排卵
我都仲努力緊，可惜check到先生精子形態唔合格，樓主如未做過body check都最好同另一半check清楚
1個讚
中醫係會按你食咗藥個身體反應而決定幾耐睇一次，通常未調到穩定就睇得密少少，之後穩定咗就唔使咁密
我個中醫個陣每次開4日藥俾我，食完4日抖一個星期再去
不過我成日夾唔到時間，雖然個半年冇依時覆診，但我睇咗半年度就中咗
但有時心情、壓力都好影響結果，樓主如果有嘢令你或你先生喺備孕li方面可以放鬆到心情嘅，不妨做多啲
抱抱
我都未得
我係經期準嘅朋友
上年年尾小產
已經食中藥食咗大半年
醫師話我好寒，早期連排卵都無
戒晒所有凍野，大熱天時，醫師話室溫水都係凍
呢三四個cycle有排卵，做齊野，都仲未有消息
我都有灰嘅感覺
只係安慰自己，上次BB拎漏野，所以可能今次緊張啲，執齊啲先返嚟搵媽咪 
大家加油 
搵啲鍾意做嘅嘢distract下自己
3個讚
通常一唸住唔生, 放棄就會中, 我就係, 第1胎要IUI, 第2胎見疫情唔生多個, 果個月一次就中左…真係…
我用CB 哈哈笑係check到有哈哈笑，同時都有用紅d, 不過一直都冇話超深色（最深大概30度）
其實唔知信邊個好？唔知到底我有冇排卵呢？
想問點知自己有冇排卵？
因為我用CB 有哈哈笑，但紅D 未試過超深色
其實最正路係搵婦產科西醫
幫你照卵泡
一個cycle 開始之後就上去keep 住幾日照一次
照到卵夠大佢會問你打唔打排卵針
同埋叫你36 小時後左右"交功課" (唔知有無記錯)
(如果有需要佢可以開排卵藥)
我試足5年. IVF左2次都唔成功. 我諗我更加唔開心.
不過我唔係要比邊個更唔開心. 只係想安慰你好多野都要放鬆呀~~
你試既時間唔耐. 呢段時間做多D運動食下補健品. 放鬆心情,
話唔定好快可以有呢. 加油
1個讚
抱抱~
好正面 
祝你都好孕
放鬆心情好重要，通常唔唸就好快有。加油！
我專登cap呢個graph有2個peak，第一個係假peak(CB有哈哈笑)，如果我唔係有量體溫，就會miss咗之後真正排卵個peak
樓主話排卵日後4星期都唔來m又check唔到中獎，好有可能就係我呢個情形，因為正常排卵日-來經日係唔會超過17日呢個長度，就算經期唔準，呢個phase都係不變