以前要好有錢至可以做二世祖，依家多數獨子獨女，父母有兩三層樓收租，已經可以唔使做。
其實我覺得唔係話怪，而係每代人都有唔同特質，呢款唔番工既情況新一代好似多d。
我自己感受，舊個代相對比較勤力，安全感來自銀行有幾多錢。但缺點係守舊，以為打工ot=好員工。
而家後生個堆，可能比較多原生家庭經濟唔錯，比較諗得多深層次問題，例如人生存係為乜，賺錢目的係咩，從而令佢地覺得打工仔每日咁多個鐘番工坐監係浪費生命。
甚至佢地心目中既打工，唔再係傳統既個份工。父母眼中既隱青，其實可能在家炒緊股，剪緊片，做緊新興職業，只係父母唔知。
如果父母排除到仔女係有病，只要cut左金錢資助，佢地自然會揾到辦法去生存。
4個讚
其實以前都一樣有呢啲人，不過冇網路世界，大家識唔到以為冇之嘛
1個讚
舊果代，整體教育水平低，未有機會諗到更深層次嘅嘢
正如你見訪問 食肆執笠嘅草根階層，份mpf 冇供成年都冇理
1個讚
係，所以每一代都有佢地要面對既問題， stereotype左年代係因為個代比較多人有呢個特質，而唔係話個個年齡層全部人係咁。
我係呢個forum見過唔少次講起時代特質問題就會話做乜怪而家d 年青人，但我甚少係連登見到話做乜怪上一代係廢老。
2個讚
唔係有定冇，而係多定少
或者咁講，以前識唔到，咪以為個個同自己一樣，而家先知，世界咁大
識有啲人，鄉下落廣東打工，嚟到香港，再去過幾次外地旅行，響佢嘅世界已經好大，大到可以響鄉下嘅人面前吹噓幾勁。
但響我哋面前講咪…“乜咁咋…” 咁囉
1個讚
其實以前都好多
是但，拗嚟冇謂
認同！
你啱
而家仲一定要朝9晚6，日日固定先係返工先有收入咁
其實呢代父母咪50歲鬆啲，仲係咁咩？
我地唔100% 明，但有啲嘢可能一直都響身邊，所以冇留意吧
講真，香港生活成本太高，個個就好似倉鼠咁博老命跑先夠食飯交租，其他嘢都冇理
1個讚
我都係咁諗。我覺得係大家需求唔同，所以會做就左行為上既偏差。唔鐘意番工/番傳統既工係個結果，但好少人會去諗個因。就算個因係懶都好，我有時都會覺得有邊個唔想懶，我都想懶，係當時條件唔容許我一畢業就懶姐
3個讚
同埋最難頂係將自己個套行為信念，套左入年青個代，然後再去責備，無諗過新一代個外在環境巳經唔同哂。
1個讚
另一個角度睇
佢會唔會有性格問題好似adhd？
有呢個問題嘅人真係唔會鍾意坐Office
鍾意四周圍走/見人
無奈喺香港好多父母都睇唔起藍領/走動工作
喺外國有朋友就係有adhd，及早對症下藥，去搵份紀律部隊或者每日揸車周圍走嘅工
2個讚
個個年代都有呢D人,我識幾個女人仲老過我,由細為左唔返工就隔幾年生1個,佢地一係有男人養,無人養果時就拎綜援拎公屋…
2個讚
雖然我無兩三層樓收租,但我都預左我女大個打份風流工算 佢鐘意攪藝術,係香港做下freelance都ok既,我有班朋友都係咁,但要自立買樓就無可能
八卦一問，佢最後生咗幾多個？？
佢唔返工，但要湊咁多個小朋友都唔輕鬆啵