該名網民於「親子王國」發文指，其親戚一名女兒雖然港大畢業，但一直宅在家中不找工作，「就快30（歲），食屋企住屋企，無畀過一分家用」。他透露，他們是住公屋的基層市民，兩老做辛苦工，至於女兒現時已28歲、港大文科畢業，曾在寫字樓當公關，最長只做過2個月，「話返工唔開心，俾上司恰，之後就無再搵工」。
樓主指，當年親戚很自豪女兒考上港大，雖然兩母女關係很好，經常一起行街吃喝，唯獨談及工作相關即變臉，親戚原本對此感到氣憤，最後亦「鬧到死心」，惟無法狠心趕她出門。現時親戚已不再要求女兒供養及給家用，「仲叫佢唔返工就報下興趣班，畀埋錢佢」。
該網民指親戚女兒畢業後終日在家，「無畀過一分家用」。
樓主續指，親戚近年生病，但女兒仍未打算搵工，「把口就話愛阿媽」，不過近日該親戚透露女兒第一次主動煮飯，「原因佢上星期煮煮下飯暈咗」。當樓主再追問其女兒是否打算找工作時，對方卻回應，「我唔會將希望寄託喺佢身上」。
帖文引起網民熱論，有網民批評該名女生是啃老族，「父母年紀大仲要辛苦搵錢繼續養佢」；有人質疑是被家人縱容造成，「呢啲都係父母縱容出嚟」、「試下父母唔畀錢佢洗，食都要佢畀返錢，睇下佢又會唔會唔做嘢」、「做父母適當時候要狠心地逼仔女成長」。
有網民則分享身邊類似例子，「朋友嗰仔都係港大畢業，屋企算中產，又係唔搵工，唔拍拖，話唔想阿媽養多個」、「我親戚35歲，之前港大讀算係『神科』，做咗幾年嘢就冇做，喺屋企量咗地三年，睇見都覺得可惜」。
呢啲可能情緒病患者，旁人未必會明，老人家未必會知／講
1個讚
同意, 我都識人係咁, 一家4口, 廿幾歲果兩個日日打機度日, 登6果兩個出去返PART-TIME養家
人係惰性嘅, 唔做嘢都有食有住邊個想做, 未曾工作已退休
5個讚
實不相暪, 我都差啲做過
第一份工audit, 朝九零晨二點, 人地做得好開心, 我就唔識同人相處, 只覺得成班人係到dom波鐘
結果當然得罪上層, 好job唔會book我, wok job就排住隊, 個時真係想唔做返屋企量地。
好彩, 後來tax要人, 我轉左過去, 先唔洗quit。個度都wok, 9點收工，但叫做自己工作自己安排，亦學到野。但如果當時tax唔收留我，仲係audit留多半年, 我應該會從此以後怕左返工…
btw… 我都係港大畢業, 所以我唔會懷疑個post真實性
15個讚
我接近 20 年前響教會識一個港大 IT 畢業生，科網爆破後一直失業
我細個屋企好窮,我份人勤力但笨實,真係返工俾人蝦多…好彩既係後生時我生得高瘦又算靚女,所以好易搵sales工,但係就成日轉工,之後我再進修搵到份專業,自己做唔再打工!
結論:真係有d人唔適合打工,但都要識搵其他路行!
8個讚
以前d人仲話育兒防老，而家新一代邊有呢枝歌仔唱。
唔洗老左繼續供養佢，佢地自給自足到已經托賴。
3個讚
不能同意更多… 問心, 就算兒女生性, 肯做肯捱, 但係香港為咗個瓦遮頭隨時都變搵朝唔得晚, 點供養父母…
1個讚
我都覺得係屋企有條件先可以，無條件無嘢食餓死自然咩都要做㗎啦! 最慘嗰啲係，屋企唔係好有錢，但係又餓佢唔死，咁咪繼續 hea 囉~
2個讚
其實作為父母，係咪淨係識得鬧？
有無關心個子女遇到咩問題、係咪有情緒病，先逃避唔搵工？
點解咁多留言都無從隱青/中出發，只一味指責他們，看到我好心寒/心痛。
5個讚
