想知大家會唔會好似我咁，見到人鬧交會覺得有壓力，想離開現場？
有時老公喺屋企睇youtube 睇「巴士 一個鐘」片或者最近「巴士 媽媽噴消毒」片， 我就會好唔舒服 好似好燥好嬲咁 要離開個廳
（睇到政府新聞/廣告 都係咁…）
呢啲應該唔係抑鬱/情緒病徵兆？
我本身HSP都高分（3位數）同埋係內向嘅
想聽聽大家意見/分享
4個讚
如果現場見到人嗌交會想離開，主要因為唔知D人嗌交會唔會突然出手打人之類，避免不必要嘅麻煩會行開。
上網睇片或者廣告就冇乜所謂，但我個人就冇乜興趣睇人嗌交，我自己都好少同人嗌交。
樓主我明你呀
我自己都好怕見到人哋嗌交/有衝突
網上啲片係關於嗌交都唔係好想睇
1個讚
我同樓主一樣會
我都同樓主一樣會。偏偏我老公好鍾意睇人鬧交嘅片, 每晚都睇, 仲要開到最大聲, 蓋過埋電視嘅聲, 好辛苦
我都係
Yes , 我擔心會出事，影響我
我以前一遇到鬧交/就快鬧交會盡力避開，呢幾年係街經歷無數暴力場面，練出可以行出去阻止鬧交嘅能力⋯⋯
另外，年紀大咗有感而發，如果相識好耐嘅人鬧交，又未到打交程度，我認為唔駛制止，有啲嘢搵機會講清楚，比一直忍耐好
1個讚
仲有見到打人場面會好辛苦要走人
即係你係高敏感人士
google下，好多書有講
正常. 人天生有一種避開危險的本能反應. 見到緊急情況會腎上腺素急升, 身心都會不安. 男性想打交, 女性想離開. 這本能是我們的遠古祖先, 從野獸時代就形成的, 目的是要在危險的森林中生存.
如果要克服這種本能反應, 就要鍛鍊抵抗壓力的能力, 立即深呼吸, 做簡單的帶氧運動, 去消耗這腎上腺素的影響, 心裡上自我催眠, 不斷向自己講冷靜 - 我是能應付問題的.
2個讚
原來大家都係咁
原來我仲係好正常
咁都放心啲
樓上提到「男性想打交, 女性想離開」
唔怪之得啲老公咁中意睇
我都係，同樣HSP高分同極內向。
我一樣啊
利申有焦慮症
我會
男朋友好中意狂loop呢類片，佢話覺得減壓🫠
我就唔中意嘅，不過佢話減壓就由佢睇
其實我覺得你既反應好正常呀樓主
我都係，我覺得係因為細細個既時候，屋企人成人鬧交，所以好反感