啱啱嚟咗英國，其實小朋友仲係初小階段，但想了解下英國中學玩法去決定可以買到咩樓。以我區為例，good以上嘅中學唔小，GCSE成績唔差，但好多都冇A-level,就算有個成績都會差咗好多，咁究竟啲學生去咗邊度讀書呢？里邊係咪好多人讀到會考就唔讀㗎呢？
你搵吓附近應該會有專開sixth form嘅college，如果原本讀緊嗰間冇開A level，咁year 11上學期就要報定其他學校sixth form ，不過就算你學校有A level，考完GCSE 都可以轉去其他學校升year 12，情況類似香港以前中五會考後，有可能要搵學校升中六。不過當時香港係要出咗成績單先出去撲學校，英國就要預早報定而且放榜後成績要達標，但我唔清楚唔達標或者放榜之後仲唔可以報，要其他人答你啦。
不過你都啱，英國學生真係未必讀A level，一來未必會想讀大學；二來除咗A level之外，仲有其他途徑俾對傳統學科冇興趣嘅學生升大學。
如果你有哩個擔憂，你搵地方長住真係要打探清楚中學安排係點。
聽人講，如果本身間中學冇 a level, 出去揾時都好煩，除非成績好好？
所以揾中學又要諗埋呢樣
要搵sixth form，另外會有一種叫college的學校
你睇下locrating ，有講間中學嘅畢業生去咗邊。會講幾多%工作/升學
唔一定要搵有Sixth form嘅學校，因為有d college專開sixth form，好多成績都唔錯，中學就睇gcse成績，attainment 8 progress 8，如果gcse成績好而附近又有岩嘅樓就不妨去馬，不過仲要研究埋中學收生順序，特別係宗教學校，佢地好多優先收教徒，最後先收住附近，變左住得近都未必入到，有d就收左feeder school畢業生先，你唔係個d小學讀即使住得近又係冇得入，總之一定要望左個收生條件先好買樓，否則到5年後先發現唔係個回事就大劑。
1個讚
有聽聞考得標青個堆會轉校去d更勁嘅學校讀sixth form，所以好多勁校一上到A level成績dup哂
即係當年恒商同莊啟程咁
1個讚