當家謙周圍講「好熱哩！」請人飲支凍茶嘅時候，唔好斤斤計較，廣告 sell 下請人飲茶嘅信息都可以令人感覺舒服，死哂細胞去 R 膠袋，咁個回報就係最多得一個膠袋，我唔係講 7-11, 我講嘅親身經驗係街市冰枱魚檔，老闆娘係揸刀嘅。
差唔多一年前，因為成日都要 WFH, 我早上都會去街市自己買魚，嗰日有個師奶，同魚檔老闆娘嘈交，話做咩唔俾多個膠袋去袋魚，一個太濕，兩個先唔會漏水，我即場幫口話濕貨都係可以最多派一個袋，多一個係犯法，又俾我大走咗個師奶，老闆娘送咗個班扣俾我食，仲有兩個膠袋，之後我日日幫襯，留意到其他師奶同佢講價都俾佢 X 返轉頭，我就唔會做呢啲嘢，你話幾多就幾多，佢次次枱上面有扣有魚春都會俾哂我，買到熟曬，有次又係師奶講價，cut 左 舊魚賣 $102, 講到 $100, 老細娘唔肯個師奶走咗唔買，咁我就話老闆娘，我幫你要咗佢啦，之後佢$100 俾我，仲有班扣。 我有時都唔好意思，條魚春仲大過條魚，我叫佢收返錢佢唔肯，條魚賣 $90 我就俾齊頭 $100 話唔使找，佢個樣係開心嘅。
生意嘅嘢，人夾人緣，有來有往，今日輸咗個膠袋，唔會死的，世界好大，呢度輸咗，可能下次去另一個地方買嘢會有驚喜。
