約左朋友帶埋個女同埋我女一齊出街玩,出到黎我先知原來佢個家姐都出埋黎,之前見過佢家姐幾次,我已經無咩好感,因為佢家姐對我無咩禮貌,同埋會一直話我朋友,好煩 
佢出埋黎攪到我地食LUNCH變左5個人要等位等好耐,等緊期間就帶2個小朋友去玩掉彩虹啦,我一行開拎獎品佢就攝左我位(我本來企係我女後面),我返黎都完全唔讓 之後佢掉中大獎既黑色線,人地話佢唔中,佢就同職員嘈,嘈完就話要即刻走,但係我仲有好多幣未掉,見佢發癲唯有一齊走啦…
之後食飯,佢繼續不停話我朋友點點點…
1個讚
既然係咁下次再出黎就同朋友講明唔好叫佢家姐.
9個讚
發爛渣嗰隻？
即話佢阿妹?
但阿妹明知實被家姐話都仲約佢出黎, 咁奇怪ge…
我諗你frd 都知自己家姐係有啲問題，如果唔係都唔會痴住細妹啲frd 嚟玩啦除非本身都熟姐
3個讚
呢D情況我一定同朋友坦白講，有佢家姐無我
係真心朋友會明嘅
5個讚
俾著我下次唔再同佢出去啦，無啦啦帶埋自己個家姐出嚟咁奇怪
佢可能貪佢家姐車出車入
係呀,唔好老脾果隻囉,叫人地叫埋經理出黎睇 
其實真係好輕微點到線,手鬆D都可能俾佢
1個讚
我知佢有好多野要靠佢家姐,變左佢家姐係屋企惡慣
我唔係第一次D朋友咁奇怪架啦,佢地好興唔出聲先,出到黎見到佢呀媽/細妹/家姐…
我遇到呢D情況真係唔會再約,我真心介意
1個讚
佢既情況我唔出聲啦,佢都唔敢拒絕佢家姐,暫時唔約啦,我唔想陪佢一齊應酬佢家姐 
7個讚
yes，俾口著我都會出聲。
至憎啲朋友無啦啦帶自己啲屋企人或朋友出嚟，三五識七真係阻住晒。
2個讚
就算唔出聲都好，有冇得事後同朋友表達你睇法，5個人好難搵位，不如下次4個人啦
2個讚
其實我用緊康復者碼,之後無得用都係約公園或上佢屋企,唔會再約佢出街食飯啦,珍惜機會約我其他FD食好過
4個讚
真係耐唔耐就有呢D人出現
點解可以做得出
我都試過約人，點知出到嚟帶埋啲唔識嘅人出嚟，我覺得好唔尊重，預早講聲都仲可以諗下出唔出，出到嚟先見到，唔通掉頭走咩.
同埋出嚟想傾吓偈，有其他人係度就唔同㗎啦。
5個讚
起碼講野會就住就住
3個讚
以前幾位傾得埋既同事會約埋食生日飯,有位女同事又係搞搞下係全家出席,話佢本身屋企出過下事,好似係父母閞係唔好,所以好珍惜家人相聚,但同事食飯,傾野都唔方便啦,講真,屋企人生日都會自己人食一餐,真心唔明點解要全家出席,仲要姊夫,姨甥仔都出現。後尾我都唔記得點推左,以後唔出席啦
2個讚
我都好討厭咁樣,同埋好憎唔識既人上我屋企,試過有朋友真係夠膽死帶埋佢朋友上我度
CLS,而家唔想煩,我無再俾人上我屋企食飯/玩
2個讚