我想問下大家有冇去在酒店舉行的移民講座？
多唔多人參加呢？
見到下星期有個關於bno visa和樓盆講座，好想帶埋阿女（讀緊中三）去參加，老公本身唔太想移民因為好多憂慮，係咪更加拉埋佢去聽下呢？
參加下無妨，但記得唔好心急落訂買樓….
2個讚
如果想中三過去， 5+1後讀 u 都無home fee. 就會好貴。 不如頂埋呢3年， 之後送去其他地方升大學。
知道，唔會隔山買牛，唔該你哂呀
呢個都係好大問題
但真係好想快d送佢去外國，萬一英國落閘就冇機會走了
阿女學校現在有無咩suffer 令你好想走？ 一轉過去就係考A-level , 又要遇上插班難的問題， 除非入私校， 就會好d 。 聽講座會幾兩極，等於睇d youtuber 講， 想走更想走， 唔想走就覺得多阻礙。
至於落唔落閘， 阿女都咁大個， 仲有時間聽講坐， 即係都唔急啦，如果唔係自己都唔走唔走個種， 不如交俾阿女做決定。
多謝你回覆啊
阿女自己都想去外國讀書，想見識多d眼界大d，係老公比較反對，因為佢英文差驚搵唔到工，成日灌輸d負面思想例如去到英國要做二等公民/比人歧視等等，想阿女support 佢。我明老公憂慮因為佢唔去了解清楚，停留在廿年前思想，份工都可以做廿年唔轉工的（但又嘈話別的公司人工高）唔願意接受新事物。
所以先想同佢去聽下講座，了解多d…
不過知道讀大學要預一百萬就真係要計好數先得
1個讚
呢個又唔同喎，如果諗清諗楚、咁又無乜所謂。
不過就算隔山買牛，都未必一定要在香港啲展銷會買….
就算佢去其他地方讀大學，都要呢舊錢㗎啦…
同埋要幾錢，都要睇佢係讀乜科……
仲可以諗下，去到英國隔個gap year，先至讀大學，咁就可以local fee。但要快啦，唔係又gap多年
聽唔聽講座呢，好耐以前聽過，對我嚟講就好廢，資料少過我上網搵，又唔客觀，想搶你錢。尤其英國，太容易去
搵個你老公相信嘅，又真係移咗民嘅朋友/KOL講好啲。如果可以去site visit仲好。
不過如果你老公係好易聽agent講嘢嘅人，就可以去聽下講座
2個讚
果啲十成sell嘢，唔會講衰嘢架喎
移民講座10成sell樓，我老友問我去唔去聽我叫佢唔好晒時間，佢聽完返嚟媽媽聲。真係有心攞資料搵啲本地（當地本地）收費移民顧問傾，多數收~150-200美金一個鐘。叫佢講實話，唔好講啲你想聽嘅。
1個讚
甘不如留港工作, 既有穩定人工, 又能送囡囡去外國讀書, 老公又不用重新適應, 始終如果要諗錢嘅話,又要唔係100%全家勁想去,你都要諗清楚
上星期日城寨劉細良分析係外國學歴唔係最重要……係技能！
我有朋友以前屋企開鋪賣魚，我成日同佢講原來係外國係技能！香港人覺得卑微工作，係外國可以得到尊重、可以養妻活兒！
1個讚
你移民係因為門檻低咗定係追求自由先？
你似係想送個女去外國順便申請埋BNO visa咋喎