許多女童都喜歡打扮成卡通公主出門逛街，惟有網民發現近日社交平台竟出現一個「香港公主關注組 hk_princesses」的帳戶，上載了逾40張「小公主」的街照，懷疑照片未經家長許可偷拍，引起一眾家長擔心侵犯小朋友的私隱。
社交平台Instagram一個名為「香港公主關注組 hk_princesses」，自去年5月起開始更新，至今已有逾40張相片，均為不同女童身穿公主裙的街照， 目前帳戶已有逾700名粉絲追蹤，其簡介亦提及，「研究顯示，細個冇著過公主衫，大個多數唔想結婚」，並列明「歡迎投稿」。
從帳戶分享的相片可見，大部分女童都穿著公主裙等主題服裝，而拍攝地點均是公眾場所，包括港鐵月台及車廂內、商場、餐廳等。至於相片的拍攝角度，有部分是背面、側面，未能看到清晰樣貌，懷疑相中的女童不知道自己被拍，更疑涉偷拍的行為。
此外，管理帳戶的負責人在上傳照片時，會按相中環境、女童的外貌或衣著加入簡單評論，例如「公主瘦到咁，因住一個唔小心跌落條罅到就唔掂喇」、「Elsa好耐冇見啦，咁熱妳出來做咩呀」、「又裙又褲都係時下公主們最愛的打扮之一」。
有關帳戶的資訊於各社交平台流傳，不少家長紛紛對此表示擔心，擔心子女照片無故會被人公開上網，「太過分，未問過人哋家長就影人地小朋友」、「作為家長要好好保護小朋友！」、「如果無惡意唔算太嚴重，但拎小朋友嚟評頭品足就太過分」，更有網民直斥「成件事好變態」。
本身係咪有打格？
有冇惡意留言？定讚下好靚咁樣？
有打格既話其實都冇所謂既
公主衫都唔暴露既，唔會有咩變態掛
？
有目的咁影人（評頭品足）仲要擺上網，又唔係識，已經唔關佢上傳打唔打格事，其實真係懷疑有病態
6個讚
佢係冇犯法，但如果我女出街冇喇喇咁俾人影相，真係驚驚地。
1個讚
有正面無cover, 呢個只係人地報導時幫小朋友打格
3個讚
睇左，影人係唔好，但caption幾搞笑，同埋IG主似係女
1個讚
係嘅
但今時今日行出街其實時刻俾人影咗都未知
啲人見個細路得意又影下，見個細路冇家教分分鐘放上網公審添
私人珍藏或者放上自己private Facebook IG 唔通會話你知咩
都唔驚得咁多喇
加上依家戴口罩，都唔知邊個細路
是但啦
試過去玩俾人影咗video, 介紹景點
真係影咗都唔知，睇個video 認到自己同屋企人 
1個讚
如果我小朋友比人影相再放上網，就算遮咗樣，我都會好不安
3個讚
凡有輕微交通意外啲駕駛group 影哂車牌
如果個後生女司機著短裙或者身材好啲
啲駕駛group 就即刻起烘又評頭品足
比細路密密實實著住公主裙俾人影慘好多
Aupig
15
睇哂，相冇暴露冇核突野，亦冇寫變態鹹濕嘢，都冇踩d小朋友。偷拍又唔係幾好。其實… 好多人見到別人奇裝異服，都偷影人擺上網評頭品足….
1個讚
作為家長，我會介意陌生人同我小朋友影相，因為5指對方目的，如戀童果D
就算成人，如果想影人，正常都會問一聲
1個讚
香港人雖然算有高私隱意識, 但每每影相時就冇晒,
先唔講呢個ig account、平時睇唔過眼影相post上網,
平時係街影相, 其他路人(eg餐廳)入鏡, Post上網/share相比人時冇諗過後面D路人出晒樣,
好耐之前係BD見過人post親戚合照, 雖然有遮樣, 但都冇必要post
遊蕩罪、藏有兒童淫穢不雅物件、侵犯私隱都冇中, 本身亦冇肖像權, 完全奈佢唔何, report ig account唔知有冇幫助
2個讚