20個月大唔係好識講野

仔仔20個月大,勉強發到十個有意義既音,健康院話僅僅合格。睇開既兒科老醫生,話佢眼仔碌碌,有交流有理解有用手語表達,完全冇問題,只係講野發展有D遲。我已經努力鼓勵同教仔仔發音,但佢次次都係度齋笑:sob::sob: 佢理解能力冇問題,一句句子四個orders,可以全部跟得哂,中文英文都聽得明,但真係講唔出:sob::sob::sob: 有冇媽媽有呢個經驗?可以幫佢做D咩?:sob::sob::sob::sob::sob:

1個讚

我覺得健康院個standard set 得好高
我嗰個都係唔合格咁滯
依家小學
食飯多嘢講到我叫佢唔好講嘢,專心食飯,煩死阿媽喇
講嘢叻就冇佢份,不過英粵普語言能力都冇問題

7個讚

再觀察多4-6個月…

我小朋友差不多面試幼稚園後受到剌激先開始講嘢

1個讚

加固加成點?仲有冇切碎D食物俾小朋友?識唔識咬肉之類,口肌練習都好重要!

加固一向都好好,佢成條細法包咁食,牛肉成塊咁食

以家個個戴晒口罩,睇唔到咀型會唔會都有影響?

3個讚

咁可能性格比較慢熱,唔鍾意講嘢,俾D耐性慢慢同佢傾計,或是佢講完嘢有啲獎勵/鼓勵,個個小朋友進度唔同。

4個讚

係呀!性格好慢熱,如果第一次見既人,佢戒心好重,hello byebye都唔肯,只有對熟既人先識笑識打招呼
佢好中意食橙,我鼓勵佢講橙,先俾食,佢又真係肯學講橙。但唔係樣樣野都咁大動力:sob::sweat:

同我小朋友一樣。 :sweat_smile:
呢啲問題大大下返咗幼稚園會有改善。
講嘢方面唯一可以做就係自己繼續自己自言自語同BB講多啲嘢,搵多啲嘢引下佢,出街周圍去講下車講下花。
有一日你就會好想叫佢收聲俾我隻耳休息一陣 :sweat_smile:

2個讚

我平時好靜,為左個仔都成日自言自語好似傻婆咁:rofl: 坐程車陪佢睇車車,我都一路講唔停,希望有一日佢講野轟炸返我,我把口可以休息下

明白,我都係。再遲啲慢慢你就會變咗日鵝夜鵝既媽媽。 :stuck_out_tongue_closed_eyes:

1個讚

仲有可以搵啲商場職員或者超市promoter 傾偈
比佢見多啲大人同大人之間嘅交流傾偈都有用

1個讚

我囝都係接近2 歲先開始講多啲嘢, 身邊朋友啲仔女1 歲幾就已經講到詞語句子咁, 果時都會擔心囝囝係咪發展遲緩, 但最後證明係每個小朋友都有自己時間表㗎
keep 住每日同佢玩/食嘢時都講, 佢記咗入腦, 遲啲就會講番出黎㗎喇

2個讚

未夠2歲唔駛太擔心, 起碼佢都算有聲氣, 我小朋友成2歲8個月先開始講嘢, 自己搵私人言語治療師, train咗5個月已經講到句子, 真係一開到個掣就會不停講

2個讚

yes 我自己都係3歲幾先開金口, 我媽話上我幼稚園時仲未識講, 要啲咩只係識手指指. 大人攞唔啱, 又發晒脾氣

最後我一唔講, 一講講句子, 仲要讀書好好. 我媽同啲親戚跌晒眼鏡

2個讚

:kissing_smiling_eyes:同佢一齊唱兒歌:clap::clap:
播啲兒歌佢聽,
同佢講多啲野。

學數手指,

1個讚

媽媽你係咪都比較少講野?
我覺得唔多唔少都會有遺傳,受父母的性格影響
你比較靜,所以小朋友遺傳了你愛靜的性格,唔係唔識講,係唔鍾意

好似我同老公都係好鍾意講野,兩個女完美地接收曬啲遺傳基因,結果屋企日日好似街市咁嘈:sweat_smile:

2個讚

唔洗擔心,男仔係會遲d,聽得明指令,同別人有互動交流就可以。我仔未足2歲時,只係講到少少單字 到2歲時,就忽然嚮好短時間內由單字發展成簡單句子,好快趕上同齡既進度。

2個讚

我仔都係20個月, 仲差個你個仔, 但我無擔心過:sweat_smile:
佢發唔到d音, 講同一個音可以有幾個意思, 講黎講去都係得果幾個音, 但佢勁多野講(講BB話)又主動。我自己湊, 由朝到晚不停同佢講野佢都學得咁慢, 無計。佢肯跟我講野又成日自己練習但發唔到d音。我仔一句句子一個order就得, 仲唔係成日聽得明, 你個仔聽到4個order好勁禾。
K1之前都唔洗擔心啦, 個個小朋友唔同, 唔影响返學咪算囉

3個讚

之前我鄰居嗰個男仔小朋友,真係去到3歲返幼稚園,講嘢先突飛猛進。

未返學前只講單字或者唔講,但同佢講嘢佢係明㗎。

同埋身邊唔小朋友仔仔講嘢係會遲少少。繼續多D同佢講唔同嘅嘢。

我姪仔細個可能同我哋住,好多屋企人。所以佢吸收得好快。1歲幾已好多嘢講。

1個讚