現在較為好的小學 year 2 - 6 都沒有位, oversubscribed, 就算住係catchment area也沒有用, 而有些council in year transfer 更是沒有waiting list的, 所以只可以appeal, 但appeal成功機會其實很低.
我的問題是, 如果appeal 不成功, 到明年5月又想報今年心儀的first choice學校, 但到時好大機會也是沒有位 (就算有位, 因未必住得最近學校, 未必輪到自己), 而明年如果真係無位, 只可以再 appeal, 我想不到還可以有甚麼新的appeal的原因, 如果今年appeal的原因都不成功, 明年怎可能有新的原因去appeal呢? 這樣的話, 其實是沒有可能去到心儀的學校, 只能去一間很普通 rated good的學校, 讀到year 6畢業, 而入學前對這學校的認識, 也只是它的網頁資料, 真係令人擔心.
大家可以分享如何面對這問題嗎? 只好搬家? 但如何防止另一地方沒有同樣的問題呢? 是不是只可以硬食? Independent school 未必人人可付擔, 去遠的學校也未必可以, 因未必有車牌. 好像只可以默默接受. 這十分難受, 如果本身香港的學校是好的話.
你住果區咩區? 真係咁緊張? 我D朋友就算去曼城, BARNET呢D出名緊張嘅都派到/WAIT到心儀
況且小學都係愉快學習, 你不如諗下點樣搬近心儀中學玩大抽獎
同意中學重要過小學，小學最緊要近，將精神放係部署中學值得好多
1個讚
難受唔得過好多想走但仲留喺Hk 的小朋友和家長吧 ! 如果你來除了為讀書, 也為自己和小孩的自由空氣
如果又冇車牌又唔讀私校,又嫌學校唔夠你hk 果間勁, 只好搬到有你心儀學校為止…
而且, 同意樓上講法, 睇中學仲好喇,小學好簡單, 唔似Hk
2個讚
我住嗰區超多香港人，但outstanding 小學仲係收生不足喎。你邊區咁緊張？
又，小學無咩所謂，good就夠，擔心中學就真嘅。之前有個家長要入inadequate ，嗰啲先真係要擔心。
我係看見一些資料而有這個問題,
例如:
https://www.sutton.gov.uk/documents/20124/209563/Sutton+vacancy+checker+220610.pdf/2a501a36-2195-de35-d8be-461fcdd6b913?t=1654859852738
真係好少學校有位, 去到唔知要轉幾耐才可以去到一間想去的學校. 當然對學校的要, 也因人而異.
我也不知其他地方情況是怎樣, 但好的學校很自然便會oversubscribed.
小學其實都重要的 (當然中學更重要), 不一定是成績, 而係在curriculum方面, 不同的小學是有分別的, 例如音樂活動, 放學後的活動, 看學校的web site, 有些是十分紮實的, 有些卻只是寫小小 (那也不會期望會有什麼). 只是感覺去到, year 2 – 6, 會變成人球, 迫住隨遇而安, 這好像是一個事實new immigrants 要面對. 那裡是有自由的氣息, 但也希望小朋友可以有良好的學習環境.
我都係咁諗、高小就無辦法了、而家搵中學算、但未睇熟玩法、有啲唔止鬥近。
原來係Sutton，咁怪唔之得。如果你接受唔到good school ，可以考慮搬屋/跨區去隔離council學校，Kingston, Richmond, Barnet等。
小學已經係無咁激烈 ，去到中學就隔離幾個council都爆
如果有budget可以諗埋independent school
可以參考呢個統計，有講隔離幾區無咁爆。
唔係潑你冷水，連good都唔接受一定要outstanding 而且本身係香港間學校唔差，why not唔返香港，來到英國，就要接受呢度嘅norm，唔係事必要派間名校俾你，想make sure係名校就俾錢去私校
7個讚
其實世界各地都係架喇, [1] demand and supply - 你心儀果間冇位就係冇位 [2] 個個appeal 都係冇乜理由架喇 [3] 世界各地都係架喇,想讀到好學校有好師資,好環境就一定係比錢讀私校, 比錢買個好校網, 比錢揸架車, 又或者識人, 運氣, 都係呢d 喇…
我雖然冇環遊世界甘住過,但我諗係好普遍嘅全球問題…等於我諗大家同你同其他英國澳洲家長一樣,做得爸爸媽媽都想小朋友好一樣囉
其實係Hk 如果冇錢補習, 冇錢讀私校, 玩大抽獎冇運, 唔識人寫信 recommend, 都係冇乜好揀…
既然係甘. 安於現狀喺hk 讀得仲叻
1個讚
我小朋友開頭派左good, 跟住繼續wait, 後來outstanding 果間有位，就轉校，唔駛太擔心，so far 我未聽過有小朋友來到冇學校收問題
其實Good 都唔差呀，真係一定要Outstanding 就真係要睇運了。
有冇諗過，其實小學冇成績睇Ofsed Report 係點評分嘅呢？咁如果一間學校只係某d原因meet 唔到Ofsed Outstanding 個KPI，所以評Good，嗰d原因如果同小朋友學習無關，你覺得重要嗎？
老實講，初嚟步到，我寧願揀間有愛心嘅學校，俾小朋友充足嘅安全感，盡快適應新生活同離開香港嘅心理陰影，對我嚟講重要過Outstanding 與否。
你可以去fb揾嗰個區或borough 有冇專頁，sesrch 吓local人有冇對間學校嘅comments ，睇下用家嘅家長點講，或者如果已經到步，返放學去睇下d小朋友同家長，感受吓小朋友有冇禮貌等等，我覺得比只信Ofsed 個評分有效。
利申：小朋友入咗隔離區Good 小學，將會搬近一間Outstanding，如果wait 到（因之前排緊）都唔會轉了。
2個讚
Ofsted rating其實真係參考架咋，good唔代表比outstanding差，小學就最緊要夠近照顧得好老師員工有愛心，中學就要睇成績，就算係outstanding但gcse成績係全國bottom 20%我就唔會考慮
2個讚
係架， 香港家長心態去度邊都一樣， 以為搵最好的俾小朋友就係好。又鐘意羊群心理，其實留港仲易handle , 只少大約知d 學校係咩料。
1個讚