新屋要裝修，知道好多裝修工程公司好多都良莠不齊，好多都係黑店，或者師傅做野質素差，好怕遇到呢d公司搞到一肚氣仲大把手尾要跟，最怕係搞到要上小額錢債。但本身我唔識人做呢行。
budget又唔係多，要睇餸食飯。唔知有無谷友搵過邊間係比較好？
我好鍾意推介我個師傅俾人，黃師傅嚟㗎，好老實，好細心，手工都唔錯，不過就比較慢。
如果你有興趣可以PM我
3個讚
不過佢唔係啲乜嘢設計公司，所以你最好有定心目中想要嘅樣，大概要點整，先再同佢講，佢淨係負責做
1個讚
問最近屋企裝修過嘅親戚朋友，上佢哋屋企睇裝修效果，問佢哋當時和師傅溝通順唔順利。
如果睇完製成品覺得OK，就請佢哋幫你問師傅有無期，上去你屋企度尺，到時見到真人，你自己再和師傅溝通。
重點，一定要搵親戚朋友真係用過嘅師傅，而唔係親戚有人識裝修/朋友嘅朋友做裝修 etc, 呢類多數奶嘢。
1個讚
已pm你了
上網睇過好多中伏case，有d話本身係朋友幫襯過先介紹都中伏，咁先驚
無嘢係100%安全，建議入定FB裝修group, 學少少裝修知識，幫助到時和師傅溝通。
1個讚
我試過兩間裝修公司，唔係黑店，一間貴一間平，但同樣都係會做錯做漏。真係要睇緊d。一定要有朋友介紹，最好有得睇下朋友屋企。
1個讚
我都係，裝過幾次，每次都係朋友裝過，都係會有不同問題，有次加錢叫佢黎執漏（簡單的）都唔肯黎 
我有四次裝修經驗
平貴都要自己跟眼，有時師傅合埋眼就裝傢俬，櫃門有明顯花左，顏色同我當初揀的唔對都照裝，要自己定期上去跟下。早d知道就快啲改，阻止錯一個step影響下一步。
我唔會找親戚或者朋友做，揾一啲做得耐，有真實完成個案，fb/ig有客留言係成到事的公司。另外一定要簽約寫明每個細項同幾月幾日起貨，如果逾期起貨賠償條款係乜嘢？電掣位幾錢一個？所以野紀錄得清清楚楚。
我屋企而家裝修緊，so far 都滿意，係朋友裝修完介紹，當時都搵左幾間報價，佢個報價最指細，唔吹水做實事。建議唔好貪平，唔好搵親戚朋友話識人果d。最好係朋友真係裝修完，有成品比你睇到。
1個讚
係啊，而家睇緊youtube有個教裝修同好詳細教點樣避免中伏，連報價單都教埋點睇。裝修真係好煩，淨係報價都要跟到足同要指細
其實平貴都一定要執漏，係多與少同程度既分別。我見網上有人分享，就算大間既設計公司，有人跟進都可以爛尾，一係就手工麻麻。
唔知係咪可以要求裝修公司比我去做緊工程既單位我睇下
所以真係睇好唔好彩，有人介紹都未必可靠
其實除左日日去跟下進度同檢查，仲有人教路最好間唔中突擊上門睇下師傅搞成點
我最怕整得差叫佢再整又唔肯，一係係d唔起眼位置整得衰。同埋好驚廁所企缸防漏做得唔好就麻煩
朋友都係介紹身邊人搵過既公司，無得睇，真係靠彩數咁
慢工出細貨可以接受
除非好明顯的滲水，否則防漏要住入去沖下涼先試得清楚。
又唔使日日上去，師傅唔會日日開工，可以等佢哋無開工時上去仔細檢查有冇錯漏，因為人地開緊工時你走入去睇會阻止佢哋做嘢，尤其師傅通常開工唔著衫。開緊工時上去純粹係話俾佢哋知，我會上來睇。
2個讚
我會揀尾數俾大份啲的公司或者分三，四期俾錢的公司，只要尾數仲有一定數目，你叫得，佢一定整，因為唔整好就收唔到尾數，千祈唔好頭訂就俾一半/大半，好易走佬爛尾。
1個讚
對上一次大裝修喺13年10月，個師傅真係慢工出細貨，千幾尺單位，頭尾十個月先搬到返去
不過我哋又衰嘅，裝修期間都周圍飛去玩，好多時靠WhatsApp 睇相！裝修後的執漏又拖咗足足一年
不過佢d手工真係好，朋友上來屋企，個個都話唔似裝修咗咁耐！