有無人鐘意做yoga ?

有無人鐘意做yoga ?

我自己玩左瑜伽幾年. 近年最愛空中瑜伽, 可以一星期上五堂

好開心身型修長左, 女性化左,
同埋會因為想影靚相, 會特登做甲和眼睫毛打卡 :sweat_smile:

大家分享下:

你們上的yoga 班幾錢堂? (我嗰間$1xx)
鐘意係邊買yoga pants/ 外套?
YOGA 班有無古怪同學? (我上開嗰班有個周身名牌的大陸妹, 佢頭髮超長又唔扎起, 如果唔好彩佢上堂時係你隔離, 成日俾佢D 頭髮FING 到 :cold_face:)( 仲有, 如果我知上堂, 會修下腳, 好怕見到人地D 腳板鞋)
有無人想深造做教練呀? 我好想學教空中, 但人到中年了, 快40, 係咪無咩機? 是否由RYT200 開始, 唔知學完有無人請呢 :sweat_smile:

3個讚

鐘意,但做極d 筋都係好硬,純粹興趣,做完成個人鬆哂,好正!

4個讚

我都玩左好多年,但做得5密,都係好緊,主要想拉鬆D根。

3個讚

報到

做咗五年左右!
跟日本人學,順便練習埋日語:sweat_smile:
一堂$250,而家一班得返四五個人上,疫情前一班有6-8人,呢兩年都走咗好多日本人!:unamused:
瑜珈衫穿過gap, Lorna Jane , lulu lemon, 好著就lulu, 款式我中意LJ多啲,又少同人撞衫!

2個讚

上緊RYT200,有一半同學都應該四字頭呀,年齡唔係問題

不過RYT200會教基礎先,唔會去Aerial。

2個讚

我都鍾意玩,但冇好幾年,冇時間:sweat:
以前鍾意玩高溫瑜伽同wall rope
高溫出一身汗好正
Wall rope有條rope拉住,知道做得正確

話說以前上pre-natal,有個女人唔係大肚都走黎上:sweat_smile:
覺得好奇怪,你想偷懶啊?:joy:

1個讚

pure上?

佢地都走左好多導師

係啊!不過真係好多人!
記得個時要教鬧鐘去book堂:joy:
因為wall rope,空中瑜伽都秒速full​:sweat:

我學咗1年多D,越來越鍾意,疫情無得上堂個排真係好失落咁,但 weekdays 返工無時間上堂,星期六、日就會連續上兩堂。
我起步點好低(後生時已經零運動,現在50歲+ ),我記得第1堂連 easy pose 做熱身,都因為屈住腳太耐想喊,到宜家都有老師要我坐住 block 做熱身。

我怕自己3分鐘熱度,沒有買貴衫(只是在 Decathlon 買),也沒有 join 大 studio 嘅 package ,都是用 class pass 去細 studio 。不過,現在比較常去印度人老師的 studio ,都是細的、人少少,我去呢間有 wall rope 、有 chair yoga ,係其他細 studio 無的。我試過 chair yoga 拉筋好爽。

4個讚

公司每星期有2堂收工後既瑜珈堂,做咗一年幾覺得身型有改善,肌力好咗,整體firm咗,一齊做嘅同事35-65都有:rofl::rofl:反而65嗰2個有做開運動,瑜珈動作完成度最高,我自己感覺筋骨柔軟度唔夠,只係盡量做,好好享受瑜珈:woman_in_lotus_position:

4個讚

請問樓主係邊間玩開啊?好似你地個個都係計堂,無人一個月咁計?

我50了,玩左好多年yoga ,空中, wheel 都有玩,不過先天及後天影響,筋骨長期僵硬 :joy: 相信吾做更硬,身手而家比同齡朋友靈活。我有好多yoga 衫, adidas,Nike,Lulu lemon … 淘寶也有

2個讚

用block好好啊
超支持用block​:laughing:

3個讚

以前老師有自己studio時,都有chair yoga 上,但而家只可以喺佢屋企上private先有!

1個讚

我都有玩開,斷斷續續玩左八年左右,但係到而家都係冇乜進步,既然好崩緊,做極downward facing dog腳掌都踩唔唒達地,hip做極都好緊

玩過一次aerial 冇再玩,企唔到地有啲驚,條帶「勒」住手唔太舒服咁,重點應該係覺得自己唔優美:sweat_smile::sweat_smile::sweat_smile:

1個讚

係做瑜伽嘅成效?
我唔覺自己有,係咪唔夠勤力:smiling_face_with_tear:

另外,你玩空中瑜伽時係咪著有袖衫?我之前做果唯一一次,我著瑜伽背心去上堂啦,個導師要我著無袖衫,話驚整親,好在我咁啱有件短袖tee喺身

1個讚

我一個星期會想到四至五堂,好明顯小腿大髀手臂都拉長左,因為上堂前會有深層拉筋,加上自己有減少食澱粉質,朋友見到都話明顯.

我都係照著Yoga bra咋咋,上咁多個老師都未試過有人話我,連老師自己都係咁著,你想IG睇吓,好多本地同韓國嘅空中瑜伽導師都係就咁著背心 我諗係你嗰個老師太過專業,定係怕你受傷呢,

不過我唔知自己係唔識用力定點,玩空中瑜伽係手同腳都好多瘀咗一達達,始終成日要用嗰條繩來用力,我自己冇咩所謂,仲好變態咁覺得呢啲係勤力嘅象徵 :sweat_smile:

1個讚

我上過幾堂,但手腳太大汗享受唔到個樂趣
好跣 :pleading_face:

會否考慮著瑜伽sock. 同帶瑜伽手套?