我小朋友依家K2, 性格好內向, 見到陌生人會驚唔出聲。我都知性格天生, 只係來緊驚大抽獎唔中要去扣門, 都時就大鍋。想請教我可以點鼓勵佢? 佢係一開始會驚, 熟左佢就好多野講, 唔係完全靜的人,平時都多去公園玩了。謝謝!
同我小朋友好似，我小朋友都係K2內向怕羞，我幫佢報咗司儀班等佢練習下講嘢，另外會帶佢去參加多啲活動試吓面對陌生人，會報幾間直資私小當面試練習，平時多鼓勵多讚嘗佢同其他人講嘢。
我覺得對於內向嘅小朋友，
最緊要係令佢有安全感，
唔洗成日push 佢要識好多朋友，
唔洗成日要佢面對陌生人。
我囡讀緊K2, 都係內向型，
但佢都有兩三個知己，
佢對住好姐妹就自然變開籠雀。
其實內向嘅人都幾好丫，
內向嘅人大多數有獨立思考，
會曉得自己解決問題，
唔會成日依賴別人
愈迫佢咪愈大壓力
非常同意你。
我都係非常內向的人，越迫只會更加收埋自己。不過同意樓上有網友提議參加司儀、戲劇班，訓練吓膽量。
你可以鼓勵佢
多接觸唔同嘅人
我都有做，但性格好難改變
我小朋友面試太慢熱同怕人，最心儀的學校2nd in 衰咗
讀咗次心儀的唔駛面試的我小學母校
依家咁多人走
就算入咗麻麻哋學校
插小二如果唔係要求最難入嗰幾間唔會太難
唔駛太擔心啦
我住呢區，因為移民潮教局要全區小學都要小班。
一線大熱個間小學小一學位由150人縮減到125人，自行收咗90人，淨番幾十個位大抽奬。