最近發覺BB開始識得模仿大人
玩玩具又叻左
我開始諗係咪要比佢接觸多啲野 刺激下佢
我同老公都希望將來比BB讀國際學校
希望佢可以做個獨立 有自信嘅小朋友
屋企住深井
將來返學可以爸爸車，或者校車
九個月可以上playgroup 先
報playgroup 係咪同幼稚園有關？
大家有冇好推介？
9個月大玩playgroup 你期望佢學到D乜？
不如諗下加固加成點？學企未？可以伴讀或者玩D小手肌先…諗讀書又太早…最多留意下N班…N班都要下年年尾先開始報…
5個讚
明白樓主有好多期望。
但首先應該從自己出發，借下育兒書睇下9個月發展緊d乜，自己可以做d乜幫佢發展，睇下playgroup配唔配合到佢嘅發展，自己去判斷。
1個讚
假日同BＢ去下沙灘踩下沙，玩下沙，腳仔浸下水。
去草地赤腳踩下草，對BＢ己經好夠刺激。大人完全被放電 
我小朋友歲半先搵PLAYGROUP…嗱我個啲PLAYGROUP係好CHEAP好平民。只在俾BＢ有社交接觸唔係求學咩學咩。
3個讚
純分享，我果個9個月放係沙灘就食沙，放係草地就食草，無眼睇。
5個讚
聽聞有d 幼稚園要你讀過佢哋嘅n 先入到，而又要讀佢哋Playgroup 先入到n
所以睇你揀咩學校啦，當年老公識人話推薦我小朋友入某名校，先要同佢上playgroup
我就無興嘅。
正常發展，我嗰個都係咁
書話尤佢食，覺得唔好食下次就唔食
我自問唔得，所以大d 先再同佢去沙灘
2個讚
9個月大就要讀書？贏在起跑線喎～哈哈
1個讚
如果你target某啲國際學校，留意下佢哋有無相關playgroup 。有啲國際幼稚園會優先取錄上過佢哋playgroup 嘅小朋友
過來人經驗分享，返唔返playgroup唔大問題，現階段大小肌肉發展比返學更緊要，哩D能力係建基於嬰幼兒時期，錯過咗好難補救，而家好多中學生，細細個已經好叻，英文普通話一早識講，但寫字不知所謂，十幾廿歲人連擰條濕毛巾都仲滴水，根本手腦都唔識協調。我仔而家響英國考緊GCSE，明明好俾心機寫，但D字硬係寫到解哂體，寫一陣已經好攰，好彩英國考試機構唔洗我提交醫生證明，老師淨係見到佢手字已可自行決定安排佢用電腦作答公開考試。如果你決定留響香港，佢到中學畢業前都要成日寫寫寫，你自己考慮吓，既然你而家有時間陪佢，應該同佢做多D乜嘢？
2個讚
計番時間，BB唔係大B，起跑線應該跑慢咗其他同年BＢ幾個月。 
1個讚
香港教育文化真係無得講，唔返playgroup，K1 都開始寫字。我諗playgroup 未咁變態揸筆卦
宜家9個月，即係9-10月B，如果做細b 2023讀N，其實過兩個月要準備報了
9個月上pg其實無大問題，反而有時其實唔係bb學到幾多，係家長學下老師用咩方法教，訓練好大肌肉小肌肉，對學行同自己用餐具食野等都好有用
1個讚
報playgroup 同幼稚園無關
除非幼稚園有開相關playgroup
要揾下心儀邊幾間幼稚園，留意人地幾可以報名。
會唔會讀n班，讀n班的話應該十一月都要面試，了解下幾時接受報名。
我唔清楚IS 既世界，但如果講緊sc 既pebbles, lh 既little habs, 又真係唔駛讀pg都入到。而且呢家越來越多人comment 呢2間野好麻麻，當供會又唔100% guarentee 上到…
我之前報英基，真係全靠playgroup 先入到。所以睇學校啦
多謝大家回覆
可能我冇交代多啲背景
令大家有D誤會我嘅諗法
我有好留意9個月BB嘅發展
佢加固BLW好叻
可以扶住野行
已經識坐potty poo poo
學大人講嘢同郁 （當然學得唔似）
我地日日都會帶佢落街行下海邊
踩下草地
睇書 玩遊戲
我話要諗讀書
唔係想逼佢認字 學數學嗰啲
考慮playgroup / 早教都係想佢見多啲人
多啲野玩刺激下佢
同埋playgroup 去玩下應該好大彈性
所以就諗如果報playgroup 有冇邊啲係同n 班有關
咁就一舉兩得啫
新手媽媽
見到市面上有咁多辦學團體
其實都有啲唔知點揀
1個讚
請問你覺得英基點呀？
我上網睇好似話東涌嗰間playgroup 先可以幫到上pn
嗰陣你小朋友喺邊度上？
依家讀落覺得點？
部分學校有上過自己pg會有優勢, 就算唔係優先收番, 都可以比小朋友熟悉個環境, interview時都無咁大壓力, 會in得好D, 同埋可以比家長了解下間學校係咪真係啱feel, 但前提係pg要喺番間學校上 (利申: 我小朋友之前上joyful)
另外, 我覺得上pg最大嘅得著係, 令我留意到小朋友同其他小朋友發展上嘅差距, 再針對番佢比較弱嘅項目, 自己加強相關嘅訓練, 我都係上完pg先發現小朋友可能有delay + SEN, 及早尋找其他治療
希望幫到你
1個讚
我嘅情況比較特別，唔鐘意成績好嘅學校，經驗未必對你有用。
我小朋友由K1讀到year 1就移咗民。我小朋友讀青衣英基playground ，幫到上青衣K1，小學係Beacon Hill。
英基大家都話好，但唔啱我小朋友。因為英基從來唔講佢教咗咩，我想想溫書都唔得。但其他小朋友我見佢哋好勁，所以佢哋唔需要理學校教咩，自己搞掂。
好多公務員讀，政府睇得緊，所以好遵守政府規定，結果無咩彈性。例如防疫規定跟好足，明明另一間國際學校都偷雞都可以實體返學，英基就會計足canteen人數比。
家長好上進/怪獸，見同學家長報警告個撞到小朋友嘅路人，但明明係小朋友撞埋去，好在有其他旁觀者幫口。學校好多免責條款，成日聲明，好驚有人告佢。家教會都係啲保險sales商人係度爭著做，想識人擴展業務。唔針對英基，多香港人嘅國際學校應該都係咁，我諗係我先會咁介意。
師資好頂尖，其他國際學校老師爭著入。老師唔怪獸，好真心咁叫你唔好做功課和溫習（雖然家長都唔聽）。用好貴嘅科技軟件support remote上堂，對細嘅小朋友係幾好。
我另一小朋友讀間印度人為主嘅國際學校，就稍為舒服一啲，雖然印度人都chur chur地，但無咁變態。
直到我移咗民，先搵到我理想嘅國際學校。我真係唔適合住香港。
2個讚