有無人分享吓，有D乜野一定要喺香港買定過加拿大？
另外，加拿大有無類似panasonic 或 miele嗰隻蒸爐賣？
LM
但電壓唔啱喎
1個讚
日本產品
係呀，唔該晒
真空煲
你要Panasonic 定 miele? 兩樣唔同級數既野。
Miele 美加區 無香港d 入門檯面機，eg dg6010, 果邊全部都係嵌入機，60/80cm闊，全部功率都係3kw + , 所以唔係行 110V, 而係行返歐洲2x0V, 類似香港 3相電咁駁，你要了解好配置先買，以免屋企火燭
1個讚
最好吾好買電器過去，好麻煩，吾同制式。唯一我有買個真空煲煲廿，因不用電，而且係有錢都買吾到，因吾流行無人用。其他大部份電器那邊都有，尤其溫同多呢啲華人多既城市。
1個讚
我都覺得大件嘢（電器）都唔駛帶
俾我返轉頭執行李，我會帶好多濕星嘢（唔值錢嗰d）筷子、超級大量衣架、廚房用具
因為呢度賣嘅細件嘢都係MIC之餘仲要係質量麻麻，喺香港嘅話係唔會買得落手嗰隻。不過習慣咗就冇咩嘅
1個讚
家庭用品同電器方面，如果你對某 d 嘢非常執著，例如如果你指定一定要用羅蘭姐推介嗰隻電飯煲，呢度真係未必搵得到，咁你要自己帶，否則加拿大基本上都買得到，當然會貴 d 啦，咁你計下值唔值得從香港搬過來，我三年前過來，因為有傢俬，自己包左一隻貨櫃，既然有位，我差唔多全部家電雜物都帶曬過來（我走之前特登去左幾次日本同台灣買電器，電壓同北美可以通用）
衫方面，如果你著開日系韓系嘅，呢邊選擇真係少，你要自己帶
化妝品護膚品，睇下你用開咩牌子，呢邊未必有，又或者未必齊，尤其日韓牌子，咁都要帶定 d，之後點補貨就再斟酌