中學時讀中西史，兩科我都興趣不大（本身冇興趣，所以都冇心機記野背野）
成長時，老豆有講共慘黨既野俾我聽，但我冇乜印象我果時幾歲，呢啲應該算係啟蒙？
成年後加入天主教會，果時傻下傻下跟住人參加六四祈禱會，應該係由呢個時候深化個人價值觀
標題可能寫得唔好，有錯請指正
2個讚
讀正確嘅歷史係好重要，至少唔會做傻事，咁易被洗腦。
5個讚
亦都唔好睇啲唔睇啲。有好亦都有唔好。
1個讚
純講良知既話，其實唔駛拉到去歷史，活在當下，見到有唔合理，就出聲，希望改善，呢個已經係最簡單既，至少你唔會將隧道斬人講為高尚情操
當然知道歷史，國際觀既，就會更深明呢個道理，但呢個係需要慢慢建立，就算以前無讀歷史都唔緊要，而家你認識返都無問題架
8個讚
呢個就一定要啦… 我覺得每件事都要多面睇, 做人唔好太自私, 每件事都只由自己出發… 多留意身邊人同物, 我覺得自然就會更了解成件事嘅真相, "良知"就會悠然自生
2個讚
近代史冇一件係好wor
1個讚
唔敢以有良知自居,只係就算理性咁諗,好似呢個國家咁嘅管治,就算唯唯諾諾,一樣唔知幾時會受害
好似而家D防疫咁,少少嘢又搞大龍鳳,實際上就係限制緊大家人身自由,要幾奴性嘅人先會支持呢?
1個讚
類似啦
不過我覺得我個人都算hihi
,
基本上，唔呃人已經係有良知
2個讚
我對中西文史哲有研究有興趣，只要讀近代史就知道共產黨有幾仆街
京奧時啲香港不論老少都讚頌國家，我冷笑：人哋不知拆幾多胡同強遷起基建，搞到你哋就知，香港人，難聽啲講，唔見棺材唔流眼淚
4個讚
我自豪冇錢冇權冇勢，港女一名，但有良知
見啲年輕人出嚟被班三萬人渣打，一個一個掉落街，十二歲細路女出街買顏料都被你拖落地，唔使識字都知唔啱
又唔見而家有人跌落街死因冇可疑？
咁有信心使乜押後立法會選舉同完善佢？咁有信心使乜立郭安法？
2個讚
以前唔會用到良知呢個字、只係知唔好害人要維護正確的事….、原來今日都好難
1個讚
冇讀歷史一樣可以有「良知」，做人唔好咁自私，唔好為一己利益出賣人性，唔好單向接收資訊，睇多啲真實世界有嘅嘢，唔好麻目認同冇感覺，堅持支持自己認為啱嘅信念，要有「良知」唔係好難
3個讚
你啱
我其實個人都幾暗黑
是其是，非其非。係好直接
以前唔覺，係因為了解太少，又被大外孫催眠咗
又或者係安樂日子過得太舒服，一啲危機意識都冇
但係亦不排除有啲人會當「良知」係潮流。潮流一過，就唔再需要「良知」。歷史係會輪迴，一定會有人黃轉藍。問題係，到佢轉藍嗰陣，你會點面對。佢藍到一個咩地步，你先肯接受。有啲現實知道之後係會好衝擊，有人選擇面對，有人選擇「不割蓆」，甚至有人選擇「包庇」。
Sad but true 都要講，歷史一定會輪迴，睇六四就知
1個讚
好多根本係common sense，721影住晒都竟然起訴得嗰幾件，正pk
其實都係，我都認
啲人成日話衰人會有報應，等天收。我唔信
如果真係有報應，咁2019抗爭者嘅報應，又係因為咩惡因？殺人放火強姦定黃賭毒？
跟本就唔會有報應，唔會有天收，唔會有小心地滑
1個讚
我唔會話自己有良知，我會話某d立埸/價值觀同nancy 大陸人唔同。香港係我屋企，睇到d小朋友咁我會心痛，但我唔會行得好前，去到某d位我會停，亦唔想其他人身陷險境。
睇到烏克蘭/緬甸我會身同感受。但同一套野唔apply 大陸。所以我睇大陸啲新聞當食下花生有個警惕就算，唔會上心。上海封城城到全世界o咀咁又如何？好似64咁，大陸人自己都唔care點解香港人要堅持，近2年仲要咁大犧牲？其實我覺得冇必要，班人醫番都嘥藥費。
該主題在最後一個回覆創建後90天后自動關閉。不再允許新的回覆。