Gap year 重返大學會唔會難適應？
啱啱考完dse, 最快都要報2023/24 英國大學. 應該係香港讀埋Year 1 定索性gap year 好D？
點解？你如果through 升學顧問應該可以報到今年9 月大學？
我有聽過case，英國大學係唔承認香港學分，冇得帶學分轉校，要由頭讀過。我唔知會唔會只係某D 科目或者某D 大學先係咁，我覺得你最好問下升學顧問，免得浪費左香港1 年大學時間同學費。
1個讚
介唔介意我問你本身讀唔讀到書先?
因為有另一細想考埋2023 dse 先走,另大嗰個依家先報2022未必入到最心儀大學.
另外有一間同大嗰個想讀科目嘅公司( FTSE listed) offer 到一個internship & apprentice full-time位.
除咗可以拎D有關行業經驗,期間公司仲會比錢資助報讀有關課程 （non-degree). 做完一年對報讀心儀大學會大少少機會同對畢業後都有幫助
但係gap year 對我哋嚟講始終唔係傳統途徑,所以十五十六中
係我小朋友,如香港計,應入到3大
呢度好鍾意叫人 gap year，但佢哋係為咗攞著數
理論上讀到書嘅唔好隨便 gap，學習不能隨便中斷，見過有讀到書嘅 gap 一 gap 跟住成績一落千丈
如果你個仔可以兩邊無縫銜接又對將來事業有幫助，可以考慮
但你要肯定佢真係commit 呢份 internship / apprenticeship
1個讚
我都係擔心呢個問題! 但係點解叫人 gap year為咗攞著數？
如接受間公司offer,就會apply ucas, 做到入大學前就唔做,佢 Commitment 我真係控制唔到.
如果唔gap year, 就要等埋另一個考dse後先去uk
老實講如果父母唔肯定自己個細路能唔能夠 commit，咁我就建議香港嘅大學四萬二讀一年，跟住下年同細佬雙雙過去再入學 (因為既然你畀得起兩個英國 full fee 錢，一年香港本地大學學費應該不會構成特別負擔)
你個仔要好自覺 同 好想 commit 去做呢份 internship / apprenticeship，先至會有價值
1個讚
多謝各位!我會同小朋友再傾傾!
依家先6月，問下升學agent. 除非你心儀嘅係得果兩間(牛劍)，否則，應有機會。
1個讚
我唔知點解上面有人話"叫人 gap year，但佢哋係為咗攞著數", 又或者"讀到書嘅唔好隨便 gap，學習不能隨便中斷"。其實外國好興gap year，之前奧巴馬個大女都特登gap year一年先入哈佛。香港國際學校都好多外國學生完左中學，gap year先入大學。係華人家長特別緊張要即刻接住讀。
根本而家中學讀完18歲都未到，好多未清楚自己想讀乜做乜。攞D工作經驗再想清楚先讀無問題。CV仲好D，申請大學面試時呢D學生通常表現更佳。我係大學工作，年年都見到一D傻更更入來讀，結果自己無興趣/讀唔店,要drop out，更加晒錢，亦都影響佢地自信。
3個讚
睇仔女性格，我就唔比我個女gap year，因為佢心散，讀A Level時做part-time個心已經野野地🫣
1個讚
我個小朋友正正有呢個問題,但同時亦對gap year有D抗拒!
其實間公司就算大學畢業完都未必易入,尤其係亞洲人. 有一個咁嘅機會,對我嚟講係幾吸引,不過小朋友又有不同想法,最後都要尊重佢決定!
其實一個小朋友去定英國讀書先都得。
又或者可以用呢一年報過英文進深course，準備將來去英國
1個讚
我仔學校都有幾多今年考A level嘅師兄一早決定gap year，主要係去玩、長旅行，下年先會報大學，因為佢哋認為讀完大學就要出嚟做嘢，之後要等到退休先有機會可長時間咁樣玩，所以襯而家中學畢業玩咗先。另外亦有D人諗住一定要去某大學讀某一科，入唔到零願gap year，通常會去做吓其他嘢豐富自己履歴及經驗，例如搵相關工作或義工做吓，或者讀D相關短期課程，等下年報UCAS時勝算大D。
1個讚
多謝你!又瞭解多一D gap year 嘅野!