呢度人少少腎兩句，兼職賣D無乜市場偏門野，因爲親戚有貨源，而貨源生產商本身自己都係兼職唔想做，所以唔洗獨家代理都已經獨家左，偶然都有D乞兒來煩擾，或者套料，有個乞兒5-6年前已經開始接觸我，每年都有段時間來纏繞我，問完呢樣問果樣，直接，間接，旁敲，側擊，好彩我自己份人有個系統，一detect到呢種人我就滴水不漏，唔同佢反桌係因爲真係博佢果0.1%機會光顧，同我拉鋸5-6年一個崩我都未收過，哈佢仲可以甘厚麵皮每隔一年半載就來揾我，2022年仲同我講返唔係2017年個價咩，我就算可以做2017個價我都唔做比你呢種人，因爲我好明白佢就算我肯做2017個價，佢又會自己整個1997價，1987價，1977價。無錢咪唔好買囖，唔想比錢我賺咪唔好買囖，有精神病咪去睇醫生囖，人生幾多個十年？為左一萬幾千烏蠅甘纏繞我5-6年為左乜? 你要玩我咪同你玩落去囖，小丑
纏住你咁多年，你賣啲一定係好吸引
1個讚
即係賣咩
佢一個姐
呢啲人得個問字，100%唔會幫襯，可以block 左佢。
以前做零售業，有一類呢啲客，佢係不停會出現，出現到熟左，人人都知佢乜水，但由始至終都未買過野，只會問幾錢，問曬全部店員，博其中一個會平少少俾佢，但減俾佢又話都係諗下先，我哋列呢類客係呃水吹，好難令佢課金，你都係放棄啦，少佢一個都無損失。
可以BLOCK左佢，唔洗再應佢
是否退休人仕, 咁得閒?
唔係，有返工OL，亦有FTM，OL就放假，放工會出現，乜都問到好仔細，之後淘佬。
有一個仲要話淘佬幾多錢，問我係咪一樣
咁你咪去買，唔使專登嚟話我知。
1個讚
即係又係果堆想r平，問三問四，懶係同你傾計比較價錢既極品，只要係賣野，賣服務就會有咁既西客
哈哈，你講出重點，講價好正常，好多人都講價，但呢種垃圾佢講完之後又懷疑人生，覺得你應承佢即係你仲有利潤，覺得比你有到利潤佢就條氣唔順，學你話齋未必退休人士，反而就係外表正正常常二三十嵗有份工返緊又唔係精神病患者，呢D人先賤格。套料？我伊家用一招disinformation對付呢種人，你問我係咪A我就話係B，你問我係咪C我就話係D，套完你咪自己去淘寶囖，買錯野返來激死佢
該主題在最後一個回覆創建後90天后自動關閉。不再允許新的回覆。