有無人睇緊呢套劇?
我覺得有d 亂呀……
我暫時睇唔明，平衡時空嘅自己行為會影響另一個我咁 
我本身信因果，想睇落去睇下編劇點解說
1個讚
哈~~~
好彩唔係得我睇唔明
我睇wiki 話有三個時空添
亂到呢……
郭羨妮死左之後竟然又平行時空
唔知點解睇到呢度已覺得套劇爛爛地
我都係睇到郭羨妮死咗之後就一頭霧水！
1個讚
仲有第一集一開始劉心悠已經死左嘛
倒敘緊
點知宜家平行時空
話第二個時空劉心悠已經難產死左
男主角個仔大左
男主角老左先遇番年輕既曼楨
嘩真係搲頭
平行時空後曼楨遲廿年出世?
我自問明，大家可以討論下
2個讚
好呀好呀
首先以你理解
究竟有幾多個時空?
我覺得特使回憶嘅係第一時空。佢特登講2010年，就係第一時空嘅十年前。
所以我覺得暫時只有兩個時空。
但設定上係可以有好多時空，所以導演最後開估係3個時空都無話唔得
1個讚
我暫時睇到2個世界
1）郭羨妮同心悠係兩婆媳，彭森係組長，老婆一屍2命，家明係另一個身份出現
2）彭森同家明2父子，王維係CEO ，蘇志威係特使
4個讚
咦~~~
第一時空果個咖啡妹好長髮架嘛?
響第二時空唔係做左sam 個上司?
(sorry 我認人好差XDDD)
呀，你啱，係我講錯。我刪返
所以我唔明點解第一時空既未婚妻、殺郭羨妮三人組等人
點解去到第二時空好似後生左廿年?
(假設sam 個仔已經廿歲)
除咗未婚妻，殺人3人組無後生廿年呀？我睇落係一樣年紀
或者我咁問
第一時空果陣sam 係後生樣
第二時空時sam 已經老左
其實係咪已經唔同時間點?
因為阿sam 個仔已經大個左
我估宜家個第二時空已經係十幾廿年後?
係同一個時間點，第一個時空有講如果家明冇死都成廿歲。不過成日倒敘形式講番件事，搞錯好亂。
尤其明仔死後，明總同蘇志威講在另一個世界遇番佢，唔好話識佢。之後到第三世界在酒吧飲嘢，（吾肯定係第三世界定倒敍）明仔未死，蘇記得佢鍾意飲朱古力奶。
好亂
2個讚
同意上面，Sam年紀係兩個時空係一樣架。
因為第一時空，Sam向家明講過「我個仔如果在生，年紀和你一樣大」
你見家明年紀都一樣啦。
1個讚
我都係，無興報追落去添！
2個讚
真想知Sam哥設定係幾多歲？
第一時空，佢話個仔唔死都20歲。
第二時空，佢個仔咪20歲囉！
點解要搞個白頭 look？
1個讚
係~
呢個就係我覺得亂既地方
多謝大家解答
其實我都開始想棄劇
好彩你地解釋番我聽 
40+ 歲，兩個時空都一樣， 一個老婆和仔一屍兩命，男人無家庭仲要做死神公司，係會型啲 keep 得好啲。另一個時空一個男人湊大個仔，做玩具 trading, 又返工又湊仔自然白頭髮都出嚟。
仲有一個理由，我印象中第一時空，佢老婆個墓碑寫出生年係庚申年，即係1980年，咁 Sam 哥多數係 70 後。
2個讚