最近朋友check左有呢個問題，佢都已經生左，應該唔會再生 (4x歲)。
已知道︰
方法一)可以食"黃銅體"，但網上見到有人話得又有人唔得
方法二)摘走子宮
請問有無jm有經驗可分享，如食藥又係點？摘走後又點？要唔要食藥呢？
謝謝
一定係選擇方法一，
唔得，先再用方法二。
有啲嘢切咗就無，一定要考慮清楚。
我睇咗醫生，係食止血丸，月經4天唔止血就食，通常一次一粒，食兩次就停。
謝謝回覆。
即係食黃酮體，如仲係多就食止血丸?
醫生檢查之後只是叫我食止血丸，
未試過食黃酮體。
醫生都係開止血丸俾我，每年再覆診
有朋友其中一粒太大，好似over 7cm，醫生叫佢排期入院切
另一朋友嘅屋企人就選擇切子宮，切後話身體無乜大變化，唔覺提早衰老之類
謝謝2位回覆。
另外請問有無同時間驗血係卵巢癌指數？
朋友驗左係高到100，佢好擔心會病變，所以想摘左個子宮
婦科檢查有做子宮頸同盆腔超聲波囉，無印象有個卵巢癌指數 
CA-125??
CA-125香港冇用嚟做卵巢癌的篩檢工具，因為已知有太多其他原因會令CA-125上升（e.g. 經期中都會升高），所以喺香港CA-125主要用於追蹤卵巢癌手術後、化療後的治療效果以及偵測有無復發的跡象, 亦會用呢個數值去睇腺肌症/異位喺手術/用藥有冇好轉
所以未停經前單純ca125數值升高都不用太膽心，但如果停經後ca125升得好勁就真係要認真check清楚
利申：腺肌症最差嗰陣CA125 超過600
謝謝回覆
請問其實係唔係就咁照超聲波（肚皮上）就可以確診係腺肌瘤？
會唔會用陰超照先會準確D
每個case 都唔一樣，可能其他人既經驗都未必幫到你。
反而見醫生既時候，試下長氣啲問到篤…
食藥有無副作用?
粒瘤幾大？會唔會越黎越大，壓住其他地方，例如壓住膀胱令你柯唔到尿或者成日柯尿?
收經之後，粒瘤會唔會有機會縮細?
痛唔痛? 會唔會因為粒瘤令你M come 特別多引致貧血?
粒瘤既位置係邊度? 係咪真係要切晒成個子宮，定係可以保留子宮淨係切個瘤?
又要考慮，其實唔再生小朋友，切左子宮留返卵巢可能真係無咩影響。
手術有無風險?
好似真係好多問題，但負責任既醫生係應該要解答既 …