以前覺得2X已經好老，而家反而到40不繼提自己stay young, 要吸收新視物，唔好做old seafood.
同自己可能有小朋友，反而個人active 左，行山游水跑步露營，又早訓左，覺得身體比後生好，除左眼袋dup 左。覺得自己比以前識打扮，努力提自己要stay young. 同小心飲食，戒甜戒凍，不斷提自己要身體健康，人要平安。
2個讚
我覺得我40歲時先會事業重新開始,因為到時呀女夠大個唔駛我貼身照顧
多謝大家回覆! 睇完大家嘅經驗, 我覺得我要再努力啲早啲訓 (夜鬼
) 同少 / 唔食宵夜 我本身係少少童顏所以外貌會可以, 不過我好相信係由內而外… 所以我必需要更加健康
我40有2，但係由2字步入3字我先覺得最難頂，反而去到4字頭，唔覺得有咩特別。
但係身體變化真係在所難免，個體重不停咁升，好難減肥。本身我視力非常之好，一直都唔需要戴眼鏡，但係上年驗身已經話我隻眼有一邊開始退化，而家我仲發現自己老花，喺人哋面前揸部電話唔敢拎得太遠🫢
另外其他都還好，皮膚本身唔差，心境算係開朗，著衫打扮又唔會好成熟，自己鍾意嘅就得。
好多人都仲以為我係35歲左右
1個讚
原來我年尾生埋日就44歲喇！唔㩒計數機都冇為意。
都係咁啦，日子都係咁過，我懶人一名，係夜晚食少左飯囉，其他野都係隨心，開心就好
上年的起心肝割左眼袋&結紮左，都算係40歲後一件大事，一件為自己好既大事。
3個讚
如果唔係有個小朋友，有時候我都唔係好覺時間嘅流逝。人就係自然地老地，每日都要好好真惜時光。
1個讚
呢樣好緊要, 你睇下海潮, 成6張嘢都日日露膊裝, 好似膊頭有散熱器唔可以遮住咁
1個讚
大家有無食咩SUPPLEMENT / 食品
我有食:
每星期兩次以上花膠湯, 有時無花膠就雪耳湯
食骨膠原
葉黃素
烏髮的SUPPLEMENT
另有無人食過NMN WORK 嗎?
另每星期KEEP 住2-3 日YOGA, 和多後生女一起, 心態都YOUNG D
你係有無小朋友呀? 我嗰個仲係幼稚園年紀, 媽媽me time 唔多… 如果多啲, 我花喺保養時間可以多啲
我而家係一個星期一次hot yoga. 加不定時facial (sip 到時間就去), 上年第一次做HIFU… 真係幾有效
NMN 我都想知有無用…
深感認同
我下年都40啦。。。
最緊要係做自己，跟時代進步，唔好做以前細個最憎嘅大人 (即係唔好做藍精靈)
1個讚
眼袋可以share下
天生有眼袋
好顯老
我好記得2轉3時好大感覺，嗰一年直頭唔想慶祝生日唔想見朋友，覺得自己好似老咗好多咁
1個讚
個樣一直偏young
仲有3年就40 但仲會比人叫呀妹
開始有幾條白髮都唔係咁接受到 但又冇計
希望唔好咁快老花….
割左係精神左好多。
我果隻係好簡單，「反內下眼皮，跟住鐳射切開，支D脂肪出黎」
做完會有成個星期瘀+腫，跟住冇野。
醫生有講點解古天樂做完個樣咁怪，因為佢地已經好鬆，要連外眼皮一齊割，手術難度高好多，所以如果見完醫生話係外面開刀割就要留意。
聽落好恐怖
大約幾錢做咗？
（不過我應該唔夠膽做）
我仲有幾年40喇，呢幾年眼皮鬆左，變左雙眼皮(係咪好事？) 朋友笑我人到中年先走去割。
最大感覺係身體冇以前咁好精力，而家叫我2星期宅係屋企我都願，非必要都唔想出街。
有時番放學接送小朋友，見到人地個d 可能早生？覺得同學媽媽後生d好正。
你生活都好健康喔，最近好似好多人提nmn, 係咪真係咁用
Hifu 係邊到做啊？我之前做過一次，好似無咩效果
我食過3個月誠哥嗰隻，但睇唔到又feel唔到有咩分別就無再食