請問有人住在伯明翰嗎? 希望有人能幫手解答以下問題：
- 如果租住了Build to Rent兩房單位, 單位已經包了家俱, 一般水電煤網電視牌照和Council Tax大約要預多少鎊?
- BNO入境時, 需要帶被和枕頭嗎? 畢竟初到埗未必知道去邊度買, 而抵埗前已經租好單位, 拖喼便可入住,所以第一天就要有被舖枕頭才能睡覺吧.
3.伯明翰近市中心的水質屬軟水還是硬水呢? - 在伯明翰住市中心的話, 不買車只靠公共交通能否到達市中心外圍的大超市呢?
- 伯明翰近市中心有邊間NHS系統的GP好啲? 有介紹嗎?
Council tax睇返間屋係咩級別，你可去返所屬council website 搵，你有租約的話，應該可以網上申報，及upload資料做登記
我唔係住伯明翰，但應該都可以解答到你部份問題
真係要帶枕頭，啲枕頭大部分都係無咩承托力
上網查過了, 用POST CODE輸入後, 原來我揀的那個位置是軟水區！YEAH！
包咗傢俬，可能包埋枕頭被舖，可以頂著用幾日。
枕頭被舖去M&S求其買就得，質素有返咁上下，唔太貴，好易買，即日搞掂。留意搵有家品部嘅M&S，你上網可以睇定邊間有
我找的單位只說有家俬, 有床及床褥, 但沒有被舖枕頭的, 因為是租屋, 並不是Air BnB.
但枕頭真係佔好多空間
間間超市都有枕頭被袋
當然款式就人人喜好不同
唔介意未洗即用就好
我自己就住咁酒店先
如果暫時買唔到枕頭，用cusion甚至毛巾/衫，加枕頭套都可以頂著幾日
我哋有帶枕頭、被同床單，因為怕唔知邊度買又唔想求其買
抽晒真空唔係佔好多位
同你一樣，我一家都帶咗枕頭被同床單，真空咗唔係太佔喼嘅空間，起碼到埗嗰晚可以瞓返覺好嘅
都係呀，我果時來，勉強帶左我女用果個枕頭
諗住兩公婆喺英國買啲枕頭用住先，結果啲枕頭太軟，一個唔夠，又去買多個羽毛的枕頭，都是覺得勉強可以接受
最後頂左幾個月，啲家當運到來，我都急不及待摷返自己個枕頭來用
不過我用開果啲太空棉枕頭，喺香港買應該平少少，選擇又多啲既
不過好慶幸帶左阿女個枕頭來，或者你可以諗下用真空袋，放枕頭入去再抽空氣可以慳啲位
呢面都有啲記憶棉，但冇sinomax 果啲咁firm
香港真係多牌子揀，價錢又唔貴
2個讚
我見sealy 好似 £30-40
我亂響超市買就 £7-10 咁
真係好多謝咁多位朋友的心得和意見, 因為我也是女兒新買的記憶枕, 差唔多成千元個, 所以除咗瞓得真係好舒服外, 亦都真係好想帶過去, 如果朋友試過可以抽真空的話, 我就一定會帶去, 除枕頭外, 仲想帶兩張絲棉被去, 再加床單被袋, 兩個人的數量應該可以佔一個喼就夠?
另外電腦、電飯煲、電水煲、碗碟筷羹、少少米、幾包即食麵是否也要同時帶呢? 我諗起碼到埗可以有飯吃, 透下路途的攰氣, 無需立即撲出去購物吧?
如果有朋友有初到埗時的心得, 有咩係帶對咗, 有咩係冇帶會後悔的呢, 能夠和我分享下就好多謝了！
唔使帶電水煲，普通超市都有得買同埋好平。米，即食麵全部超市有，我當時過嚟要隔離，所以先帶定，你可以上網訂定日用品同食品，第二日就可以送貨，仲可以指定邊個鐘送
我帶枕頭被過嚟全部抽真空再用紅白藍袋，可以唔使買咁多喼，又可以慳kg, 塞多d野入去。紅白藍唔使買到最大，因為塞滿太重，會攞唔到
2個讚
Any recommendations?