今胎第二胎都有我媽黎幫手，跟據上胎經驗，我媽會9點幾出去買餸，11點左右會有午飯食，之後佢會幫手餵奶湊b+煲湯煮晚餐。早餐我老公會買茶記俾我。我老公會係屋企幫手曬下衫同湊下b
今胎我想訂月子餐想減輕媽媽嘅煮飯嘅重擔，等佢多啲時間休息同湊大b，但因為月子餐份量應該唔夠我哋咁多人食，點都要煮啲，唔知咁樣訂月子餐係咪真係幫助好大。另外一個原因係我上次惡露黎左個半月先停，佢差唔多樣樣餸都有薑絲，我一直唔敢食薑醋同油煮雞但我媽就不停叫我食。依家佢成日提起話我唔食補野所以成日腰痛，其實係我坐姿唔好盆骨有問題，紮肚之後好番。
暫時我睇左三間月子餐，
1.良月（30日$19xxx)
2.森家（28日$12500 ）
3.5餅二魚（28日$11xxx)
唔知點揀好…還是都係等我媽煮晒算
依家大b會番上就班，爸爸會負責接送
直接去月子中心
您媽又照顧您，又湊大細b咪好攰，請陪月/月子餐啦
本身都有諗過請陪月，但見好多人中伏，身邊朋友用過果啲佢哋又話麻麻地，所以都係諗訂餐加媽媽幫手算啦
你食月子餐，其他家人自己攪掂
根據經驗，阿媽一定彈月子餐
都係，我估如果請陪月我媽都會不滿多，叫餐起碼佢可以煮少餐飯
我都同我媽講～
唔洗買唔洗煮唔洗洗算係咁
佢果時都有彈月子餐
真
話同出面餐廳食嘅嘢一樣，完全唔補身。但有人搞掂三餐已經好好多，森家幾好
5餅2魚我訂過，雖然份量大，兩個人食一定夠，但d餸會係咁重覆而且盒盒餸味道都差唔多，去到後期我真係食到冇胃口，我唔係好推薦
點解唔食？
啲惡露未清晒唔敢食，我本身唔鍾意食薑醋，我後尾都有食豬手同蛋嘅，但希望我飲啲醋，我真係接受唔到
我媽都有咁，迫我飲雞酒同薑醋，比佢煩到我差啲產後抑鬱
訂月子餐啦，起碼阿媽唔使煮你果份。
唔想老人家彈得咁勁，將月子餐講成1/3價錢（好女兩頭瞞）
樓主最後有冇book月子餐？
森媽
你比晒錢未？有冇得介紹我？好似一齊有95折
多左一個b wor 而家
呀媽頂唔頂唔到？
我俾左訂，我早訂都已經有9折，平$1250
係，所以依家訂住一個月月子餐先，老公都會係度幫手
我太遲先決定
如果你照介紹我唔知我有冇得九五折🫣🫣