小囡，中，數都A及B，但英文就D，有跳舞表演（5年經驗），操行A-，性格超活潑怕悶
想揀冇咁大壓力嘅中學，有心水
1.創意書院
2.觀塘慕光
3將軍澳鄭值之中學
4.匯基書院（東九龍區）
可以比d意建我嗎？
我記得香港兆基創意書院係由中四開始
有中一已經 2 年了，但只收 2 班，比較難入
4 基本上冇可能，英文 C 都已經難。
創意已經有中一啦⋯⋯不過我呢幾年有疫情，都冇得參觀校舍，我只係zoom 睇咋，見佢好free，但身邊又冇咩人講佢，匯基書院我都知係難，所以囡囡都話盡力做好d睇下，不過我都怕就算入到，佢都好吃力咋⋯⋯所以要搵多d資訊比小朋友知，始終佢哋仲細！
我仔小學時每年參加某機構大型演出，都去嗰度綵排，所以我嗰陣經常入去。間學校唔算好靚，入面似舊工廠大廈改裝成藝術工作室咁，感覺好前衛，同入咗石硤尾賽馬會創意藝術中心感覺差唔多，當然唔同樣，又冇咁大間。但學校係寬躺、乾淨、舒服。不過我已有三四年冇去過，而家裝修上可能有唔同。
如果你小朋友成績唔係太突出，但係有表演或藝術創作才能，真係可以一試。
1個讚
你有冇去過學校參觀
入邊啲學生都幾我行我素
衣著、髮型非常自由
放學你行一轉就知 
創意書院啲學生好自由 可以染髮 著唔同校服番學
圖書館啲書好新
佢地既教育係會令啲學生跳脫一般思維
DSE 課程以外仲會 上堂做好多藝術科目類既專題功課
的確係傳統學校少見
如果有表演天分可以試下既
創意書院同另外三間會好唔同，完全係非主流嘅學校，好似樓上所講，校舍好自由，校服都唔似一般學校咁嚴格，可以染髮。
學校會有比較多時間放喺創意藝術嘅科目上，課餘亦有好多活動，所以入得去，就真係中意創意藝術嘅先啱，未必係純粹追求冇壓力。呢一點就要睇小朋友自己嘅興趣同意向。
你可以去佢哋Facebook / Instagram睇下感受下先。
我都知吖，就係怕太我行我素，所以有猶豫
但我冇參觀過校舍，但教學理念好似幾好，唔係填鴨式教育