我呢個係疑問句, 有無 JM 分享2-3個大人砌姨媽傢俬 (如衣櫃) 難唔難呢? 因為見D朋友個個都話去英國興自己砌, 但我驚砌唔到仲大鑊, 咁不如一早搵 TASKRABBIT
有經驗 JM可以分享你覺得最難砌係邊樣傢俬?
我個女8歲自己砌兩個電影櫃
全屋傢俬係我同老公 2 個人砌,有電批幫手完全冇難度。我覺得最難砌係上下格床
D圖都好清晰教點砌,不過好嘥時間
唔係砌開,跟住砌都砌到,但時間就難講
Btw我角度唔涉及鑽牆(牆架之類)就快d,因為我唔係做開裝修就覺得鑽牆最難搞,鑽到都好難睇
姨媽傢俬我一日處理到2件 [枱加椅子], 都唔難
衣櫃我2日多少少
香港自己砌五筒櫃、飾物雜物櫃
記得一定買電鑽。
姨媽嘅嘢唔難砌。
係呀, 我就係有嘢要上牆, 驚自己搞唔掂
話時話TASKRABBIT唔知包唔包裝上牆
一定要買電螺絲批,我哋都係自己砌床,書架,飯枱,office chairs
英國接近全部室內牆面都係石膏板,多用電批+鑽咀,牛油咁易鑽個洞,落膠塞,上鏍絲,攪掂。
比砌 ikea仲容易,上 youtube睇兩條片一定學識。
興自己砌嘅原因係因為叫人幫手砌仲貴過你買件ikea 傢俬
然後你就會自己識砌
我都係自己一個人砌5個大櫃,同一日,係電批叉電時先有得抖抖,之後全身痛左兩日
非ikea triple bunk bed 都砌過,再散啲,圖紙難明啲,要砌耐啲,不過都完成左啦!
本身比錢搵師傅黎砌,不過比佢一改再改,谷鬼氣我咪自己砌成就解鎖。
我係俾錢人黎裝ikea衣櫃既。自己係搞到但要時間,我請個位專業一日就搞掂兩個兩米長衣櫃+子母床+幾個書櫃。我覺得抵。
喺香港我屋企9成傢俬都係自己砌(書櫃,衣櫃,層架,床,電視櫃等等),好易架咋。一次生,兩次熟,砌完好有成功感。
利申:女士
係香港都係我砌開傢俬,我好鍾意砌傢俬,好似玩 Lego 咁。試過俾老公自己砌個書櫃,砌完發現上下掉轉咗
而家係我負責睇圖紙同砌,老公負責搬搬抬抬
我都諗住搵 taskrabbit 算。
書櫃呢啲我諗我都okay, 但大衣櫃果啲我驚高估了自己
一個人就難 d, 大傢俬就算高大嘅男人砌,有d 位都要人扶下
兩3個人就冇問題
係呀,我老公都係唔掂,我要指導佢點幫手,點樣整。否則,佢起碼用3,4倍時間先搞得掂。