唔係因自卑係咪都say sorry果種
我係指一個人會自我檢討，有錯即刻認
大家有冇咩意見？
ps. 心理學有個歸因理論，好似都解釋到，不過我只識皮毛，就唔獻醜了
2個讚
我覺得身教
如果父母做錯野（可能係好minor）嘅野
都肯say sorry
小朋友自自然然都會學左識左
見微知著
小朋友係父母嘅反射
9個讚
我認為取決於個人性格，自身經歷。
就算同一家庭成長，同樣教養都有唔同處事方式。
有人明知錯會左冚右冚，
亦有人會企出嚟先認錯。
要有足夠自信同地位
1個讚
‘睇開d , 化d ‘, 父母日常做到,子女做到既機會大好多。
當做錯事唔係俾人鬧,而係多啲讚小朋友識得誠實認錯,教佢承擔自然後果
自然就唔怕做錯
中國人最興做錯就鬧
啲細路大個咗咪唯有唔做就唔錯,做錯就唔認
好似華盛頓斬櫻桃樹嘅故事,外國人係讚佢誠實肯負擔
如果佢係中國人,唔好彩嘅可能會俾老豆吊起毒打
好彩或者父母用錢解決
小朋友又點會學識自己承擔
6個讚
認同。正如我姪女自細我有份湊，直頭係我教埋嗰種。姪女有咩事大佬大嫂都搵我解決。
佢自細同我屋企人同住，但佢做錯事，屋企人一開口就罵，完全唔問前因後果。而細佬做錯，都係罵我姪女嗰種。
但我就會同姪女講道理，好聲好氣問佢發生咗咩事，可唔可以話俾姑姐知道？然後當我證實唔關姪女事，係佢被誤會。我都會當面同番屋企人講，俾姪女聽到埋。話番俾屋企人知，唔可以咩都唔問就認定姪女錯就去罵佢。我會要求屋企人都要Say Sorry
甚至有1次姪女嘅朋友同人嘈交，佢喺現場都要一齊去埋警局。我太清楚屋企人性格。當晚我要求姪女返到屋企，所有人都唔准問唔准罵。太清楚佢哋。而嗰晚我就關心佢食咗飯未？攰唔攰？早D沖涼休息。等佢想講嘅時候就搵姑姐講。唔使驚，有咩事屋企人都會喺度。之後佢都同我講番成件事。真係完全唔關佢事。仲有社工家訪我哋 (當初預先社工係想見父母，但姪女同社工講見姑姐會好D
因為佢好多嘢姑姐先知道) 個社工問我姪女會唔會認罪。但我姪女堅持無錯，唔想認。我都會俾定心丸佢，「如果妳認為無錯，姑姐支持妳任何決定。」最後證實成件事真係唔關佢事。
隔咗一排，姪女都會問我點解當初唔罵佢？佢話所有朋友返到屋企都俾父母剷到上天花板。有D甚至俾父母打。我話因為姑姐相信妳，妳知道姑姐一直好錫妳，唔係溺愛嗰種。萬一百分百佢錯，仲要過份嗰隻。我都會直接罵佢。如果妳一開始要呃我，到我第日知道真相，妳都會知道妳咁做好傷害我。因為妳欺騙咗我對妳嘅信任。
而且，讚賞真係對小朋友成長好重要。當然做錯都要教導，但就真係唔好成日一開口就罵。
到姪女而家就到20歲，曾經都反叛過。但咁大個女任何學業、生活上嘅問題，都會搵我去分享。佢曾經講過好鍾意我呢個姑姐，因為我唔會持住我係長輩高高在上，真係似朋輩咁去同佢相處。
我諗俾到小朋友呢個感覺都好重要。
10個讚
如果成長過程當中 做錯事之後承認錯誤，
唔會被 懲罰 或者 捱責罵。
又或者只係罰小小嘅，
認咗都無關痛嘅，無必要逃避責任。
唔怪之得成個民族都係懶屎懶屁
我一開始都係諗父母身教。
一見到又係寫性格＆經歷對一個人既影響，即刻覺得唔知點咁
家庭教育既重要性毋庸置疑，不過隨住一個人成長，性格仍然不斷可以塑造，係睇果個人想定唔想變
屋企係小朋友既避風港
不過唔知係咪姑姐同父母既角色始終有分別
我同小朋友日對夜對，暫時覺得真係好難付出咁大耐性，慣左鬧左先，我係鬧完，小朋友知錯，我地會攬返果隻
不過我都見到佢俾我鬧到驚，係會怕做錯，變相都要處理返佢自信心問題
咁呢個係大人習慣問題，問唔關角式事
1個讚
其實，我呢個姑姐等如佢媽咪咁
佢自己都會咁周圍同人講
只不過唔係我親自懷孕生佢出嚟
佢由出世、小學、中學，所有嘢都係我搞
包括同佢自細揀學校、去家長會、聽講座、揀科，測驗考試溫書，老師搵家長，連去警署報到全部都係呢個姑姐負責
連成長生活有咩問題都係第一時間搵我
所以點解當時社工話要見父母，佢會同社工講想佢見我多D
我覺得呢個能力係靠自己醒覺。
我識得肯自我檢討嘅都並非父母教，而父母亦係唔會自我檢討嘅人。
當然如果有身教就一定事半功倍。
1個讚
認同，身教都好重要。
1個讚
該主題在最後一個回覆創建後90天后自動關閉。不再允許新的回覆。