「優之良品」1993年於本港成立，高峰時期曾經衝出香港在海外設立分店，共有約700多名員工。「優之良品」在00年代的主要客源已由港人轉為自由行旅客，早在2017年，已經有網民在討論區發文問「優之良品靠咩搵食架（㗎）」、「點解優之良品仲未執？」店鋪近年則受社會運動及疫情影響，生意大不如前。
除了自由行旅客外，該公司另一固定客源是還押人士家屬。「優之良品」5克x10包裝沙嗲牛肉片或沙嗲豬肉片是懲教署指定認可小食，據懲教署網站顯示，家屬每星期可以送20包肉片予還押人士。
有家屬表示，其實「優之良品」的肉片早在年頭貨源已經變得不穩定，多間分店經常缺貨。他表示該店結業或多或少會對還押人士造成影響，促請懲教署盡快更新「認可交來物品」規定。
生意興隆
細個好鍾意放學行過入去試食 
其實無咩特別
只係佢特別多款零食擺晒出黎
自然派接手
品牌抄無印都賺咗咁多年錢
好多年無食lu，執咗都唔覺
好生意呀
小鳳姐呢~~
咁都做到咁耐，已經好神奇
我一直以為呢間嘢執咗好耐。
記得N年前睇戲會買佢啲口立濕邊睇邊食。
但佢啲嘢我覺得好貴又唔值。
呢間野最大問題係唔識做宣傳搞卓頭做marketing，但d產品又唔係有特別吸引力，又或者價錢特別平，完全無一樣誘因令到人地去光顧，香港真係甘多連鎖店，佢都算係唯一一間我成世幫親既次數少過5隻手指
當年係可以嘅
或者入面嘅人轉咗，諗住做自由行都養懶曬咪咁
好多香港人已經唔買了
十年如一嘅零食，唔啱貪新鮮嘅香港人囉，再者，我唔承認佢代表「香港」嘅品牌，最鍾意佢嘅唔係真香港人囉
對我嚟講呢間嘢係一個結界，我從來都無幫襯過，因為一入到去就覺得好似去咗偉大早角咁，最頂癮係幫襯嘅見多數都係自由人，做店員嘅又似係新廣人，佢哋完全係同聲同氣，啲零食望落似仿日產品但價錢可媲美cc叔爬，質素又唔及麼鳳嗰啲經典嘢，真心唔明點解可以捱咁耐！
該主題在最後一個回覆創建後90天后自動關閉。不再允許新的回覆。