每天上學都係掙扎，又呃又tum，主因係聽唔明老師同學仔講乜⋯⋯請問大家有冇良方或經驗分享？
2個讚
咁要搵清楚原因先可以對正下藥？科科唔識？定建立唔到能力感？定zoom太耐唔慣返學？
要搵到原因，通常都係呢幾個：
- 未習慣返實體課？
- 同學老師相處出現問題？
- 掛住香港，但唔識表達？
- 語文能力真係唔夠用？
可以打電話/email/放學問下班主任佢堂上表現，如果真係有野，老師會留意到。
聽唔明真係難搞喎，唯有急起直追
deleted
你係過咗英國？佢係咪掛住香港朋友仔？
是否講孩子移民後，聽不明英文，不願上課？
有冇其他香港小朋友在同一間學校？孩子多大呀？
我地在英國，仔女讀緊yr5同2, 已經詳細傾過，其實同學仔都好熱情，主因係語言問題，同太耐冇番實體請，佢地話好耐都未放學⋯⋯
1個讚
我小朋友初初頭半個月都唔鐘意返學
主要聽唔明 無朋友
之後聽得多就大約估到老師要點做
識左朋友就會想返學
你同佢地講 明白佢聽返學有難處 因為轉晒英文 你話初初唔明 當返學去玩下先 唔一定要識晒 慢慢追 跟住同學做
然後返到屋企睇下英文卡通再追英文
1個讚
唔好話外國，香港幼稚園小朋友普遍都咁，我諗小學有d都差不多，適應問題，好快可以tune 返。
如果香港係zoom開,去到要返全日，會唔適應好正常。加上仲要全英文又無朋友，比d時間佢地。
同時了解下小朋友係香港學校易唔易識朋友，本身外唔外向，如果過左一排連個性格都變晒，就真係要搵人幫。
學校有無ESL support? 試下問學校可唔可以揾個人私補英文, 每日一小時, 用平常課堂時間自己另外上堂. 我知有D學校會揾個退休老師返黎私補.
坦白講，我讀左咁多年英文，大學去英國，我都聽唔明本地人講咩。聽幾多 Youtube 都冇用。Youtube 嗰啲播幾快都 catch 到所有字但偏偏到步就完全失靈，聽唔明所以好難傾計。尤其英國好多 slangs/usage 都唔係香港會聽到睇到，加埋口音就聽到頭暈。我其中一個導師仲要好重埠仔音，到學期尾我都唔知佢上堂講咩。仲有一個係法國人，佢同我一樣都係初黎報到仲要第一次教書，口音重到本地人都唔知發生乜事。
我都用左超過半年時間去習慣。好在啲導師都知要講得慢啲同清楚啲，而且肯學肯試就一定有回報。再搵啲 international groups (e.g. 教會/ community centres)，因為大家都半桶所以英文一定講得慢啲用字簡單啲，組織呢啲機構都知點樣同外國人溝通。加上去公園/遊樂場玩，好快適應。
mark 實一兩個熱心家長同乖仔/女，請佢地多啲邀請你小朋友玩。朋友未必需要好多，足夠同開心就已經非常好。
6個讚
多謝你的分享，其實我地兩公婆都努力學習中，的確不易，但一定會努力。現在留意緊council 攪的esol course, 希望有幫助
我朋友個仔又係唔肯返學，仲要再嚴重好多好多，結果被人趕出校。
你同老師傾下，佢哋應該好有經驗。睇One Way紀錄片，老師搵狗狗同佢哋玩，做心理治療。
我小朋友都有少少情況，老師帶佢去下個放鬆室，有好寧靜嘅環境，舒服音樂，阿仔就好返啲。
聽咗小朋友意見先睇吓需唔需要報英文班，我小朋友剛去到外國連A-Z都未記得晒，不過好彩佢好專心，佢同我講返學已經聽足六個鐘頭英文，返屋企唔想再講英文。我就咁開當地英文卡通陪佢一齊睇，一齊學，學得比我快
2個讚
仔女鍾唔鍾意運動？
我仔日日小息都同同學仔踢波
同同學做下運動唔使識太多英文
踢踢下就會識得多啲朋友
同埋都要問下有冇俾人蝦？定純粹真係英文問題？