小朋友會俾好大壓力自己, 但又承受唔到,可以點幫佢?

小朋友會俾好大壓力自己, 父母完全無俾壓力佢, 但小朋友俾壓力自己, 但又好似承受唔到咁, 可以點幫佢? Thanks

講多少少實際例子

1個讚

有識人係咁,個小朋友好緊張自己表現,係有d過份緊張同憂慮,佢地搵專業人士跟緊。

例如,老師講要帶書,佢就唔肯定係咪講A書,會諗到訓唔著,會不斷提媽媽幫手問老師。可能年紀太細,佢既擔憂講唔到,只能表現到。

另外都識得個小朋友,係屋企溫默書唔准自己錯一隻字,會喊。

我小朋友就係咁,搞咗好耐先好啲

就係呢隻

呢隻都係…

佢會好想做好佢學校既所有野, 但會好緊張, 要做到佢自己覺得既100 分 (如果做到,其實已經唔只100分, 應該超越100分) , 但父母其實無俾過任何壓力佢, 但佢覺得自己做得唔夠好,會好緊張, 會喊, 更會偷偷喊…

唔知樓主小朋友幾大?

我小朋友都有類似問題。
好想做到好好,或者佢唔識但又要佢寫個答案/要佢整出嚟,好似唔知點解過唔到自己個關,唔肯答唔肯做 死諗爛諗,諗到個人好緊張最後喊…

我用過好多方法都唔得。
唯有搵幼稚園個班老師出手,其實老師知小朋友性格,會同小朋友講番教佢地點處理自己情緒。

女仔?幾多歲?

我細女都有經歷過類似,一定要做足老師要求嘅野。老師都有話佢似係完美主義者,對自己要求高嘅小朋友。但大大下最近又好啲

係,係個小朋友腦內小劇場不斷質疑自己有野未夠好,唔關其他外人事。而且個小朋友唔100%肯定都唔會做,變成身邊人有壓力,叫佢唔駛緊張,老師唔會鬧人,遲交都可以,只係個小朋友唔放過自己。

呢d應該同腦部發育有關,我識既人仲會個腦mature d 但手腳協調唔到跟唔上講唔到,其實都幾辛苦。所以大大下,個腦生得好d, 手腳又協調d就會好。

現階段,攪唔掂就搵專業人士幫啦~小朋友望落係好正常,但湊得太辛苦就要搵幫忙。

我都好煩惱,已經搵咗唔少專業人仕幫手,都搞唔掂…

而家無辦法之中嘅辦法係:

  1. 用儘辦法,幫小朋友做到佢嘅目標
    spelling test就係咁。成功過一排,佢掌握咗自己嘅能力,就好啲

  2. 減少面對
    一遇到要跑步嘅運動,就喊著話自己跑得慢。唯有揀啲少啲跑嘅運動,踢波就做守龍… 唉

我仔仔8歲,有抽動症,同你一樣其實我兩公婆對佢學業上無乜要求,K2開始佢會好多小動作(基本上全身都出現唔:大力眨眼,翁鼻,清痰聲,Fing頸,手,腳…), K3升小一嗰年見咗精神科醫生確診咗,佢自我要求高(尤其成績),諗唔通又唔鐘意搵人幫,自我壓力大,諗諗埋埋個腦仔啲多巴胺又多咗啲,所以就成日tic, 醫生話唔洗比呢類小朋友諗太多嘢,你愈講得多佢就自行補腦,而家我同老公都採取‘到時先算啦,唔洗諗太多’,‘盡咗力就得’,加上藥物幫助,都有改善到

上星期一家人剛剛到埗英國,希望新嘅學習環境令到佢無咁緊張,學習放鬆

最後想話如果覺得小朋友頂唔住嘅話,試下搵啲專業人士幫手,加油:muscle:t2:

6個讚

小朋友而家讀緊小學, 擔心咁樣第時上中學會麻煩, 因為第日中學d 野會再深d, 再難d…

我都覺得佢似完美主義者, 希望真係大d 會好…

聽你咁講, 諗諗下又好似, 個 腦 Mature d, 希望真係大d 會好d…

希望真係正常, 只係擔心佢再大d 啲, d 嘢再難啲, 驚佢承受唔到個壓力

呢個難d , 因為佢要做既野, 點叫佢, 佢都會堅持用佢既方法完成佢, 但佢有時 set 俾自己既目標太高, 唔係一個小學生可以輕易完成, 個目標,唔係話做唔到, 但會好難,同埋要用比人地用更多既時間去完成, 因為目標太高

試下用你呢d 方法睇下會唔會好d…

希望新環境可以幫到你小朋友放鬆d , 加油, 好好享受新生活帶黎既好處 :smiley:

醫生話通常對我個仔性格嘅小朋友,同佢講:‘唔好緊張’,‘唔洗驚’,佢哋反而會緊張同驚,所以而家佢遇到難題時會改講:‘無嘢嘅’ ‘無問題吖’,‘唔得唔緊要,過程你有得著先最重要’,要潛移默化

最嚴重嗰時我仔覺得自己考試默書唔夠高分(其實都過9字),佢打自己:see_no_evil:,之後慢慢同佢傾,又好啲咁,所以其實唔止仔仔學習緊,我同老公都學習緊,路漫長也靜候:blush:

好, 多謝你, 會試下呢個方法

其實都試過類似, 同佢講, 信我啦, 無問題架, 之後佢會話, 我信你, 但如果咁咁咁點算…

同佢講唔會架, 信我啦, 之後佢就好似放鬆少少… 但都會仍然擔心…好彩最後佢諗個d 咁咁咁,又無發生, 佢先至好d …

呢個有試過, 但唔知佢明唔明, 希望佢會明

呢個都有發生, 佢覺得自己會做唔到會打自己…

多謝你, 大家一齊加油

1個讚

該主題在最後一個回覆創建後90天后自動關閉。不再允許新的回覆。