派得差，要四圍叩門，希望可以跳到船。 
加油。小朋友準備成點？
平時都會主動睇書。
有嘗試做卷，可惜唔識就會流淚，所以唔迫，變咗平時口頭上問佢問題。
所以揀小學叩門都唔會搵要做PAPER個啲，但自己區內某啲好少少二線小學難免要考PAPER都照叩搏機會。
1個讚
Good luck to you
希望叩到間岩你哋
1個讚
叩門競爭好大, 因為唔係一定派得差先叩, 樓主加油, 叩多幾間, 或者叩埋他區
明白，尤其我區，移民潮下教局要求我住個區校網小學變小班，變相學位再少。
叩門唔可以局限自己個區，都要跨區叩。
我果時都係叩他區為主, 有D學校真係人山人海
而且個過程玩好耐, 8月尾都仲收到學校CALL 2ND IN, 聽聞有D 9月頭都仲CALL
希望我揀既二線小學唔洗玩到９月啦。
二線小學睇誠意同父母的參與率, 你記得提朋友讀緊讚不絕口之類(我第二志願就係二線朋友讀緊, 打算叩的話會咁講) 一線肯定睇成績架啦, 不過music chair 玩到9月頭, 一定有機會架
good luck!!
面試父母同去？
叫小朋友讚好鍾意間小學？好想入… 之類？
（其實我都有大概同小朋友講，但去到間小學小朋友應該會知自己鍾唔鍾意嗰間小學，如果佢唔鍾意，應該好難講得出 
有d學校，去到見校長時會見埋家長，個時就落力d
小朋友就講唔到大話既，佢唔鍾意都無法。
嚟近有間面試，家長會跟埋入去課室，小朋友面完就會問家長，但到時只得我一個去，另一伴要返工。
我哋都抽得麻麻 尾三志願 同屋企距離好遠
今日叩第一間，話有幾題唔識做…但係聽返佢講嘅問題係簡單同埋平時都識做
雖然揼心但都有勁讚佢勇敢同記得晒啲題目話返比我知
希望當呢間係warm up，之後狀態會好啲
2個讚
咁無辦法，你自己prepare 得好d, 至少大路問題會答到
我哋遞咗10間，好多間都未出面試日期時間，有間直程唔係111就冇得即場比時間，要等電話
係，當下唔記得無咩野，可能其他人都唔識個題
唔好泄氣，會越來越好表現
我叩17間，我跳船既心真係好大先可以不停填表交表。
但其實我數過最後有得面試可能少過一半，因為好多都係揀人in 
（連二線小學都揀人in~唉！）
聽過一d talk, 話今屆細路受疫情影響心智發展都麻麻地，叩門來講可能5間頂盡，費時反效果。
自己睇住個小朋友看著辦吧。音樂椅下實有機會既。
2個讚
如果係心儀嘅，叫爸爸盡量請假出席，做到幾多得幾多。
我同事當年叩二線，佢話無問小朋友鐘唔鐘意間學校。
加油呀，邊區？
叩門路漫長，頂住！