接納唔到，理論上又唔洗逼自己接受？
接納唔到，都冇得要求對方變成好似我講野咁直白
對人講野直白，係我交心既表現，如果見到對方做唔到咁坦率，我有時都會後悔
我未必好清楚個問題响邊
求大家指教
我覺得
直腸直肚最多只係唔夠婉轉
但自己容納唔到相反意見似乎同個人表達方式無直接關係?
6個讚
定係樓主講容納唔到唔夠直白嘅人？
1個讚
我諗佢既意思係佢容納唔到D口裏不一既人。
我同樓主一樣，都係比較直，我都同唔到D口裏不一既人做朋友，我覺得沒問題，人合人。
不過都要畀啲時間睇下佢係好假，定係未熟或者一開始比較客氣有禮貌。我係自己接受唔到啲好假嘅人囉。
2個讚
原來我寫得咁唔清楚
我係指對人
而家再諗真啲，我比較介意自己對人坦白，但對方仍然講野唔清唔楚
我自己都講係對人交心先會講野直白，咁唯有接受對方唔認為我可以交心？咁諗又有啲灰灰地
2個讚
睇下對什麼人認真， 個個都認真就好辛苦
拿
我都直腸直肚咁講
眼見好多話直腸直肚果啲，同口沒遮攔無分別
23個讚
我同樓主一樣。我嘅方法就係，唔同講嘢婉轉嘅人太close。
以前有啲best friend 係對我好好，但講嘢好婉轉，同佢哋一齊玩好辛苦。我勉強咗自己十年，終於忍唔著疏遠佢哋，然後發現一身輕曬。應該一早就咁做
啱傾就close啲，唔啱就疏遠啲，朋友就係咁。佢哋有事我會幫，但唔會再成日約出嚟
人夾人，唔需要因為討好別人而改變自己，缺點例外。
2個讚
講野直唔緊要，最重要表達方式唔好無禮貌就ok
6個讚
你直得嚟有無empathy？
有時係一線之差
好多人唔鍾意聽真話
而事實上交心既人亦唔需要多
1個讚
你意思係自己對別人唔坦白，但希望對方對你先坦白？
其實同人新相識真係唔會太了解對方，亦唔好過份試探，放鬆相處自然會透露性格，相處久慢慢認識自然會發現到
我都好直, 同唔到講野有保留既人做朋友
試過有個同事A好o岩傾, 我就乜都講, 佢就乜都收收埋埋
有一次另一同事升職, 我就問同事A, 佢係咪升職呀, 我地不如3個食餐飯(平時間中有一齊食開)
點知同事A第一個反應係問: 點解你咁講既? 點解你會知既?
我o個下即刻打左個突
而另一個同事睇唔過眼就話, 全個office都知啦, 某某老細講嫁
同事A想八野就搵我, 而佢自己就乜都唔講
你問佢野就遊花園, 每次都見佢諗過度過先講野
我覺得同呢類人一齊真係好辛苦
永遠唔會對人真心
不過只係同事, 我又冇太大失望, 始終唔係朋友
2個讚
呢啲唔關直腸直肚事，分明搵你著數，呢啲人要保持距離
3個讚
用問題嚟答問題既人係最可怕
佢地不停chok你料，然後話係你講，咁就可以是非當人情
唔好咁傻仔
2個讚
係呀, 而家已經疏遠左, 淨係傾公事, 其他唔會講喇
要睇下係咩關係
如果係同事
我唔會講真心話出嚟
冇錯, 佢反問我o個下真係有D無言
係就係, 唔係就唔係, 都係講一句啫
而家睇穿晒呢個人, 唔會再講任何野
btw我都學緊點樣婉轉D講野, 有時直腸直肚o係職場上真係幾輸蝕
我反而本身都坦白，但我發現會可能令部份人玻璃心，搞到自己慢慢變到好假，唔敢亂講嘢甚至索性唔講嘢……
坦白係好嘅，但就同時帶有被討厭嘅危機，好兩難。
自己點去接納人地嘅說話，比較簡單，識唔同朋友，試多幾次“骾耳”嘅感覺，慢慢就會越嚟越成熟，我覺得自己清楚想法，無咩人可以令我不快。
真係要時間磨練待人技巧。
4個讚
我覺得直腸直肚講自己嘅事/大路事情冇問題，但直腸直肚講對方嘅事就唔好，始終唔知人哋成長背景/經歷過嘅傷害帶來嘅陰影。可能一句冇包裝過嘅說話，刺中要害。
3個讚