阿女今個月就7歲，一向都乖巧懂事。屬於文靜型，講野又唔算叻，所以一直都無咩駁嘴情況出現。但最近當遇到例如佢自己整跌筷子，佢就會話「媽媽/爸爸，你唔好將筷子放咁出啦，會好易整跌架!」又或者有唔見左佢又會話父母不是。呢種將責任推比他人唔識自我反省的態度其實好要不得而且仲好危險，但當下又諗唔到應該點答。每次我都只係話「XX, 咁樣講唔岩呀!」但又講唔出點唔岩。
想係未成為慣性時幫她改掉這態度，請問大家應該點教導佢呢?
- 先自問過去父母係咪都有同樣情況？ 身教
- 7歲開始有自己思想，係咪怕做錯嘢俾人話？細個一做錯就俾人話
一件事出錯，背後係一連串嘅事引起，例如跌筷子，放得唔到引致佢整跌，佢又合理，但放得唔好就要整跌？ 又唔合理，無論點，首先係身教行先
6個讚
我會好簡單答佢：你唔整跌佢，佢咩唔會跌lor, 下次小心啦，自己拎入廚房洗筷子啦。
唔係好特登教佢，只係言談間聽得出自己都有責任
2個讚
我都會話 你唔整佢咪唔會跌
又或者 係媽媽擺得唔好，不過你見到擺唔好都或者可以幫手擺返好喎
3個讚
我都會咁答, 之後會叫佢自己洗番對筷子出嚟食飯…
高招。
做父母好多時會用自己經驗強加响仔女身上。我最近都發覺簡單如叫小朋友唔好洗手洗咁耐，解釋極佢都未係好改到，突然諗可能响佢角度真係唔太接收到我既訊息，佢剩係覺得有得玩水。
我都要試下學你講唔好特登教。
1個讚
呢個答法都好，但唔好叫佢‘’［麻煩你］擺返好‘’，否則佢會以為係大人做唔好既野要小朋友執手尾。
麻煩同唔該都係我既口頭禪，呢個位可能都忍唔到口
請教下你, 我小朋友好鐘意講反話/苦肉計
例如佢鐘意食某樣野A, 但我有時想轉下其他食物B(佢唔鐘意), 佢會話你唔洗理我, 你比白包我食就得, 佢真係會餐餐食白包都唔食B, (其實佢專登選白包, 因為夠無營養), 我又唔忍心佢食白包, 所以多數就佢只食A
可以點教呢?
呢家d小朋友都係要智取，好考大家既即時反應。
如果講洗手，其實要正確洗手真係要洗好耐。我就會想睇佢係咪學校學左正確洗手方式想表演我睇lor, 否則既話要沖涼先可以玩水啦。
我曾經唔覺意比小朋友睇缺水對全球小動物既影響既片，睇完佢地好傷心，自此之後佢地唔敢浪費水。但我唔係故意要咁。。。
1個讚
路過，你小朋友幾多歲？咁識玩
佢約7-8 歲就有咁的壞習慣 
1個讚
舉手+1, 我小朋友(7歲)都係, 成日好似好委屈, 明明自己想要想食都會話唔想唔要, 佢係咪冇安全感?
咁啱, 我今日都喺度諗, 點解7歲小朋友好似好難搞咁?
1個讚
我囡之前都係咁，唔肯認錯，自己做錯事就賴人，將責任推落人身上。例如佢整跌本書，佢會話唔知點解本書喺度，一定係哥哥睇完放得唔好，令本書跌咗。我哋會同佢解釋，整跌本書執返就可以，我哋唔會鬧。反而唔肯認錯，將責任推落人身上爸爸媽媽就會嬲。我哋要佢承認係自己放得唔好，先會放佢走。試咗好多次後，而家佢會主動認係自己整跌嘢，唔會再賴人。
一樣~ 係咪個個小朋友都好鍾意講反話？
明明好想A，但把口話B，俾B佢就唔知仲乜好不滿又發脾氣，問佢係咪Ａ都話唔係，要大人估下估下估餐死原來係想要A～真係暈。
High 5!!我都係！
我老公叫咗我好耐要戒都未戒到。仲有可唔可以、知唔知道都係我開場白/結束語。佢話我用呢種字眼會令小朋友覺得有得揀，同轉移咗視線，直接講句說話就可以
x2… 我成日都衝口而出：可唔可以執好你地d…
咁我就停一停，再講：過黎執好你地d玩具，唔該！！
2個讚
執玩具
我會好平靜咁問「你執定我執」，因為我執嘅話就全部「送比」垃圾桶
通常講三次佢都唔做我就會講呢句，佢就會死死地氣去執返啲嘢
唔好話請教，都係拎出黎大家討論下。
我d小朋友無咁大個。如果佢地講反話，我會歸類成draw attention 同埋想試大人底線。
但你個case應該係試底線佔大份過draw attention. 而且只要自殘(食白面包扮可憐) ，就可以搏得爸媽同情，就會順我意行。咁樣推算落去，佢大個都會用苦肉計呢招來控制你地。
你問我既話，我覺得食白面包is totally fine, 嚇我唔到的，佢咁鍾意食我就買生命面包10條返黎擺係廳(夠cheap, 佢自求的，唔好買日本面包咁高級；10條係講下jie, 2條啦費時過期)，佢一餐一塊，仲要過期前食晒佢，唔好食其他野啦。
然後你想佢食既a 食物，我會全家人一齊餐餐好滋味地食，間唔中仲要有d drama, 例如你會大讚好好食，形容幾難得食到a 食物；狀態外既爸爸無意一問：下，你仲食生命面包咁慘呀；或者你潤下佢：咪理佢啦佢係生命大使，挑戰緊世界紀錄咁。
大約諗到係咁。
我d小朋友細個，遇上口是心非我當佢地另類ja 嬌 ，可以用時間同心情磨下，但底線係要跟我劇本走。
2個讚
有經歷過，佢地就會出拖字訣，執得好慢。
呢家演變成大家agree一個時間內執好，執唔好就直送櫃頂，有得睇無得玩。但仍然要不斷同佢地count down lor…
1個讚
好懷念，我大女細個都有出現大家講嘅問題，應該係正值成長期，佢自己都開始想控制父母家人。
大家嘅小朋友係咪都係第一個？
因為有前車之鑒，我二女識玩好多，直情係盡佢所能做晒乖小朋友要做嘅事，自細就係咁，我知佢內心好鬼馬，所以成日都會鼓勵佢唔需要刻意做乖寶寶去討好人，識分是非黑白最重要，乖定曳媽媽都咁愛佢。
1個讚