大學生攜家長見工 母憂「答得唔好」全程搶答

該名網民於「香港討論區」發文指,近日公司招聘新人,希望聘用應屆大學畢業生,令公司感覺「可以年輕啲」。面試當日早上,人事部職員領著一男一女到會議室面試,一問之下竟發現該名女士原來是應徵者的母親,應徵者無奈指,「媽咪一定要跟住佢嚟見工」。

樓主指,人事部職員著應徵者的母親於外面或隔壁房間等候,惟對方卻指,「擔心個仔可能答得唔好,所以佢要跟埋一齊入嚟in(面試)」,職員遂向上司詢問意見,最終上司同意破例讓她進入會議室。樓主指,面試歷時約半小時,形容上司全程敷衍了事,期間詢問該應徵者3條問題,惟均被其母親搶答,「成程除咗佢(應徵者)個名之外,都冇聽過佢講其他嘢」,令上司甚感不滿,大嘆「第一次見到人真係帶埋個阿媽上嚟」。

樓主坦言第一次遇到有家長陪子女見工,批評此舉或令兒子無法成長,「成世都搵唔到嘢做」,只能一直依賴父母,形容這種教育方式百害而無一利,「唔係想話佢『裙腳』,但係使唔使咁保護呀?保護得太好,真係溫室小花」。

帖文引起網民熱論,不少網民笑言,「技術性問題阿媽都識答,咁請佢阿媽好過」、「如果我係HR,我都唔會阻住阿媽入來,當睇笑話」;有網民則揶揄,「一份人工請2個人,諗得過喎」、「可能係阿媽想見工,叫仔女嚟壯膽」。

1個讚

我記得我之前做嘢,都見過人帶阿媽見工,我上司知道後果斷唔請

4個讚

好正常:smiling_face_with_tear::smiling_face_with_tear:

2個讚

講開呢樣嘢,我以前都有相似經歷
我見工想自己去,但父母死都要接送,差在未送到門口。佢地話驚我畀啲公司呃/打電話黎係詐騙 HR :sweat:
大佬如果公司啲人門口見到佢地接送我,咪好樣衰好裙腳,點會放心請我!

好彩後來見見下因為都一日 in 2-3 見咁太多,所以佢地先習慣同放棄

2個讚

這些父母真係累死個仔女。

2個讚

我自己真係未見識過咁誇張嘅事。我識啲控制慾好強嘅阿媽,都未至於會咁。

中國鄉下人就話, 香港城市嚟,媽媽都知咁樣一定唔請架啦

1個讚

好彩咋!真係要靠自己擺脫阿媽。

見過16歲想找工,阿媽陪佢一齊見工。
都係請咗。
之後做左幾個月就話阿媽見佢成績差左想佢專心讀書,叫佢辭職啦。
個經理想留佢,
聽到佢話阿媽唔俾。

其實年年都話有呢啲case
一係唔識用fax,機,係咪潮文嚟?

唔見添啦

16 歲仲勉強可以理解,始終都未係成年人,但大學畢業都 2X 歲同輩都可能連仔都生埋就就唔好啦!

2個讚

以前仲癲,中學畢業之後有搵補習做下,阿爸阿媽又係話 “詐騙/畀人呃”,堅持要打電話去同個家長講/接送,咁樣衰我死都唔肯,最後妥協完左樓下等!後來又係好彩生意太好區區都有,佢地都唔得閒接送咁多就放棄。:sweat:

直升機家長係好恐怖嘅生物…搞到仔女好多嘢都好遲先學識認識冇乜見識。所以奉勸大家緊記,唔洗跟車咁貼,想仔女學識踩單車都要佢自己踩先學得識,你同佢踩/ hold 住架車踩,佢點都學唔到。

4個讚

真係~ 咁樣真係害左佢~

但有啲家長唔明白「愛佢變成害佢」,成日只係覺得幫緊仔女有咩問題?

唔係掛好假喎個故仔,有可能咩

我都覺得係潮文

但fax機好正常… 我返咁多年工都未見過,一向用開4合一printer

Fax 機話fax 幾十次張紙仲響度果個

十六歲都係正常嘅,大個就絕對唔得了

我真係唔相信係真架…

我調返轉
細個搵工見工會秘密地進行唔好話俾阿媽知
費事佢有好多問題又或者會好擔心

3個讚