大女可能出世比較白同可愛乖巧，所以比較受親戚朋友喜愛，而細女可能出世比較黑無咁可愛同易炆，比起家姐，似乎無咁受人喜愛，2個都係我寶貝女，但見到呢個情況，感覺有d失落 
你自己加倍愛佢就得
兩個都係你寶貝 唔好理人點睇
其實由細到大我都係係親友間無咁喜愛嗰個,小朋友嗰時都有少少介意,長大後無乜所謂
4個讚
細個時，人人都係鍾意我表親，唔鍾意我。我媽唔開心，但我無介意。嗰啲咁嘅親戚，千祈唔好黐埋我度。
阿媽仲好無聊咁擔心我，叫我做啲討人喜歡嘅事，我真係睬佢都多餘
大過咗，麻煩藍親戚仲會搵我表親傾心事，表親又唔好意思拒絕。我就一身輕～
6個讚
唔好話兩姐妹，我果囡D親戚成日同啊表弟仔比較架好癡線
所以其實唔駛上心，檔聽唔到算
自己兒女自己錫就好，只有父母對子女嘅愛係無條件，唔會expect 其他人跟自己一樣。
4個讚
係啦
最緊要父母係咪公平d 對待兩個小朋友
親戚真係好鍾意比較呢d野
咁人都係比較膚淺，可愛得意自然鍾意d,總好過明明連阿媽都覺得唔得意但好浮誇咁話「好得意呀」
唯有自己睇開D……
以前我都有類似情況，大家讚大女靚女又精靈，到二女就dead air, 背地裡講佢冇咁靚同醒目。
好彩我老爺奶奶好識做，每次一遇親戚讚大女就答兩個都咁靚咁聰明伶俐bla bla bla。
我自己一開始唔識處理，慢慢都會學識回嘴，阻止人比較我嘅細路，我絕對唔認同咩靠自己睇開d, 父母自己聽到都有條刺，更何況細路？大人得閒冇嘢做、冇嘢搵嘢嚟傾，憑咩拎我嘅細路出嚟供人娛樂品評？
認同，細路睇唔睇開都好，做父母見到人比較自己嘅小朋友，點都應該出聲阻止。咁比法唔止會傷害其中一個自尊心，仲可能影響兄弟姊妹間感情。
就算班親戚將我個女同d堂/表比較，只要過火我都會反擊。
1個讚
會，細女出世一年堂妹又出世，上有哥哥，下有堂妹，佢夾係中間無乜人錫/理。我個時都好唔開心。
但呢個世界好公平，細女性格平易近人，好就得人，一大班親戚時會幫手照顧或氹細嘅小朋友。細女而家反而最多親戚喜愛
該主題在最後一個回覆創建後90天后自動關閉。不再允許新的回覆。